ബാലരാമപുരം: വീട്ടമ്മയുടെ മാല പൊട്ടിച്ച കേസിലെ രണ്ടാം പ്രതിയെ ഇന്നലെ ബാലരാമപുരം പൊലിസ് അറസ്റ്റ് ചെയ്തു. നെയ്യാറ്റിന്‍കര കവളാകുളം  ചരിവുതട്ടു വീട്ടില്‍ ചന്ദ്രന്‍ എന്നു വിളിക്കുന്ന രാജേന്ദ്രന്‍ (58 ) ആണ് പിടിയിലായത്.  കഴിഞ്ഞ ബുധനാഴ്ച ഉച്ചയ്ക്ക്  കോട്ടുകാല്‍ കോഴോട് വാറുവിളാകത്തുവീട്ടില്‍  നിഷയുടെ  27 ഗ്രാം തൂക്കം വരുന്ന താലിമാലയാണ് രണ്ടംഗ സംഘം പൊട്ടിച്ചുകടന്നത്. കേസിലെ ഒന്നാംപ്രതി ഷാജിയെ അന്നു തന്നെ പിടികൂടിയിരുന്നു.  രാജേന്ദ്രനെ ഇന്നലെ കോടതിയില്‍ ഹാജരാക്കി റിമാന്റ് ചെയ്തു.