കളമശ്ശേരി: കൊച്ചി സര്‍വകലാശാല കലോത്സവത്തില്‍ മൂന്നാം ദിവസം 135 പോയിന്റ് നേടി സ്‌കൂള്‍ ഓഫ് എന്‍ജിനീയറിങ് കുസാറ്റ് മുന്നേറുന്നു. തൊട്ടു പിന്നില്‍  118 പോയിന്റ് നേടിമെയിന്‍ ക്യാംപസുമുണ്ട്. ഈസ്റ്റേണ്‍ നോണ്‍ പെര്‍ക്യൂഷന്‍  സ്ട്രിംഗ് മത്സരത്തില്‍ സ്‌കൂള്‍ ഓഫ് എഞ്ചിനീറിങ്ങിലെ ഹരിപ്രിയ എസ്  ഒന്നാം സ്ഥാനം നേടി. നാടോടി നൃത്തത്തില്‍ സ്‌കൂള്‍ ഓഫ് എഞ്ചിനീറിങ്ങിലെ സേതു ലക്ഷ്മിക്കാണ് ഒന്നാം സ്ഥാനം. പെണ്‍കുട്ടികളുടെ ലളിതഗാന മത്സരത്തില്‍ മെയിന്‍ ക്യാംപസിലെ പ്രിയങ്ക പോളിയും ആണ്‍കുട്ടികളുടെ ലളിതഗാന മത്സരത്തില്‍ മെയിന്‍ ക്യാമ്പസിലെ കൃഷ്ണജിത് ഭാനുവും ഒന്നാമതെത്തി.
മലയാളം പ്രസംഗ മത്സരത്തില്‍ മെയിന്‍ ക്യാംപസിലെ ഫര്‍ഹാന്‍ ഒന്നാം സ്ഥാനം നേടി. ഇന്‍സ്ട്രുമെന്റല്‍ നോണ്‍ പെര്‍ക്യൂഷന്‍ വിന്‍ഡ് മത്സരത്തില്‍ മെയിന്‍ ക്യാംപസിലെ ഉണ്ണികൃഷ്ണനാണ്  ഒന്നാം സ്ഥാനം.
പെണ്‍കുട്ടികളുടെ ഭരതനാട്യ മത്സരത്തില്‍ ടോകച്ചിലെ ഐശ്വര്യ സുരേഷ് ഒന്നാം സ്ഥാനം നേടി. രണ്ടാം സ്ഥാനം കോളജ് ഓഫ് എഞ്ചിനീറിങ് കുട്ടനാട്ടിലെ തീര്‍ഥ സുരേഷും സ്‌കൂള്‍ ഓഫ് എഞ്ചിനീറിങ്ങിലെ സേതുലക്ഷ്മിയും പങ്കിട്ടു. മൂന്നാം സ്ഥാനം സ്‌കൂള്‍ ഓഫ് എഞ്ചിനീയറിങ് കുട്ടനാട്ടിലെ നിവേദ്യയും കരസ്ഥമാക്കി.
നോണ്‍ പെര്‍ക്യൂഷന്‍ ഈസ്റ്റേണ്‍ സ്ട്രിങ് മത്സരത്തില്‍ ഹാര്‍മോണിയം വായിച്ചു കൊണ്ട് തുടര്‍ച്ചയായ രണ്ടാം വര്‍ഷവും മെയിന്‍ ക്യാമ്പ്‌സിലെ ഉണ്ണി കൃഷ്ണന്‍ ഒന്നാം സ്ഥാനം നേടി. 2015ല്‍ നടന്ന കണ്ണൂര്‍ സര്‍വകലാശാല മത്സരത്തിലും ഉണ്ണികൃഷ്ണന്‍ ഒന്നാം സ്ഥാനം നേടിയിരുന്നു. കൂടാതെ നോണ്‍ പെര്‍ക്യൂഷന്‍ സ്ട്രിങ് ഈസ്റ്റേണ്‍ മത്സരത്തിലും ഉണ്ണികൃഷ്ണന്‍ ബംജോ വായിച്ചു കൊണ്ട് രണ്ടാം സ്ഥാനത്തിന് അര്‍ഹനായി.