മലപ്പുറം: എടപ്പാളിലെ സിനിമാ തിയേറ്ററില്‍ വെച്ച് പത്തു വയസുകാരിയെ ലൈംഗികാതിക്രമത്തിനിരയാക്കിയ പ്രതി കസ്റ്റഡിയില്‍. പാലക്കാട് തൃത്താല സ്വദേശി  മൊയ്തീന്‍കുട്ടിയാണ്‌ അറസ്റ്റിലായത്. ഇയാള്‍ക്കെതിരെ പോക്‌സോ നിയമപ്രകാരം കേസെടുത്തു.

ഏപ്രില്‍26ന് പൊലിസില്‍ വിവരമറിയിച്ചിരുന്നെങ്കിലും പൊലിസ് ഇതുവരെയും കേസെടുത്തിരുന്നില്ല. ഏപ്രില്‍ 18 നാണ് സംഭവം നടന്നത്. കുട്ടിയ്‌ക്കൊപ്പം 40 വയസു പ്രായം തോന്നുന്ന ഒരു സ്ത്രീയും ലഭിച്ച സി.സി.ടി.വി ദൃശ്യങ്ങളിലുണ്ട്. തിയേറ്ററിലെ സി.സി.ടി.വിയിലാണ് സംഭവം പതിഞ്ഞത്. തിയേറ്റര്‍ അധികൃതര്‍ ഈ ദൃശ്യം ചൈല്‍ഡ് ലൈനിന്റെയും ചാനലിന്റെയും ശ്രദ്ധയില്‍പ്പെടുത്തുകയായിരുന്നു.