കയ്പമംഗലം: കാളമുറിയില്‍ തെരുവ് നായ്ക്കള്‍ കോഴികളെയും ആടിനെയും കടിച്ചു കൊന്നു. കാളമുറി ബ്രദേഴ്‌സ് റോഡില്‍ പൊന്നാത്ത് സുബൈറിന്റെ വീട്ടിലെ ആടിനെയും അഞ്ച് കോഴികളെയുമാണ് തെരുവുനായ്ക്കള്‍ കടിച്ചു കൊന്നത്. പുലര്‍ച്ചെ മൂന്നോടെയായിരുന്നു സംഭവം. കറവയുള്ള ആടിന്  രണ്ടു വയസു പ്രായമുണ്ട്. വളര്‍ത്താനായി കഴിഞ്ഞ ദിവസം വാങ്ങിയ കോഴികളെ ഇരുമ്പു കൂട്ടിലാണ് ഇട്ടിരുന്നതെങ്കിലും നിലം തുരന്നു കോഴികളെ ആക്രമിക്കുകയായിരുന്നു.