വടകര: ഇരിങ്ങല്‍ സര്‍ഗാലയയില്‍ നടക്കുന്ന കേരള പൊലിസ് അസോസിയേഷന്‍ സംസ്ഥാന സമ്മേളനം ഇന്ന് സമാപിക്കും. 

രാജ്യത്ത് നടക്കുന്ന തിന്മകള്‍ക്കെതിരേ പോരാടാനുള്ള മനസ് സാംസ്‌കാരിക ലോകത്തിന് ഉണ്ടാകണമെന്ന് സമ്മേളനത്തിന്റെ ഭാഗമായി നടന്ന സാംസ്‌കാരിക സദസ് ഉദ്ഘാടനം ചെയ്തുകൊണ്ട് പ്രമുഖ സാഹിത്യകാരന്‍ യു.എ.ഖാദര്‍ പറഞ്ഞു. ഫാസിസത്തിനെതിരേ പ്രതികരിക്കണം. പല സാംസ്‌കാരിക നായകന്മാര്‍ക്കും പ്രതികരണശേഷി നഷ്ടപ്പെട്ടുകൊണ്ടിരിക്കുകയാണ്. തുറന്നുപറയാനുള്ള ധാര്‍മികബോധം ഇല്ലാതാകുന്ന അവസ്ഥയാണ് ഇന്നുള്ളതെന്നും അദ്ദേഹം പറഞ്ഞു.
ചടങ്ങില്‍ ആര്‍.കെ ജ്യോതിഷ് അധ്യക്ഷത വഹിച്ചു. കഥാകൃത്ത് കെ.പി രാമനുണ്ണി, കവി പവിത്രന്‍ തീക്കുനി, ശൈലന്‍, മധു കുറുപ്പത്ത്, എസ്.ഷൈജു, പ്രേമന്‍ മുചുകുന്ന് എന്നിവര്‍ പ്രസംഗിച്ചു.