ആനക്കര: പന്നിയൂര്‍ ശ്രീ വരാഹജയന്തി ആഘോഷത്തിന് ഇന്ന് വരാഹ ജയന്തിയോടെ സമാപനമാകും. പൂരം സമാപനത്തിന് ലക്ഷദീപം തെളിക്കല്‍ ശ്രീലകത്തില്‍ നിന്ന് തന്ത്രി ബ്രഹ്മശ്രി കല്‍പ്പുഴ ശങ്കരന്‍ നമ്പൂതിരിപ്പാട് പകര്‍ന്നു നല്‍കുന്ന ദീപം സുരേഷ് ഗോപി എം.പി സമര്‍പിക്കും. മഹാമഹിമശ്രി സാമൂതിരിരാജ മുഖ്യാഥിതിയായിരിക്കും. തുടര്‍ന്ന് നടക്കുന്ന സാംസ്‌ക്കാരിക സമ്മേളനത്തില്‍ പ്രഥമ പന്നിയൂര്‍ വരാഹമൂര്‍ത്തി കീര്‍ത്തി പുരസ്‌ക്കാരം പത്മശ്രി മഹാ കവി അക്കിത്തതിന് വിതരണം ചെയ്യും.