ചെറുവത്തൂര്‍:  പൊതുവിദ്യാഭ്യാസ വകുപ്പ് റവന്യു ജില്ലയിലെ പ്രതിഭാധനരായ കുട്ടികള്‍ക്കായി സംഘടിപ്പിച്ച  സഹപഠന ക്യാംപിന് ചന്തേരയിലെ ചെറുവത്തൂര്‍ ബി.ആര്‍.സി യില്‍ തുടക്കമായി. തിരഞ്ഞെടുക്കപ്പെട്ട 60 വിദ്യാര്‍ഥികളാണ് ദ്വിദിന ക്യാംപില്‍ പങ്കെടുക്കുന്നത്. ഡി.ഡി.ഇ ഇ.കെ സുരേഷ് കുമാര്‍ ഉദ്ഘാടനം ചെയ്തു. ഉപജില്ലാ വിദ്യാഭ്യാസ ഓഫിസര്‍ ടി.എം സദാനന്ദന്‍ അധ്യക്ഷനായി. എസ്.എസ്.എ ജില്ലാ പ്രോഗ്രാം ഓഫിസര്‍ പി.പി വേണുഗോപാലന്‍, കെ നാരായണന്‍, പി രാജന്‍, കെ മധു, കെ ദാമോദരന്‍, പ്രമോദ് അടുത്തില, എ.എം മേരി എന്നിവര്‍ സംസാരിച്ചു. ബാലചന്ദ്രന്‍ എരവില്‍, വിനയന്‍ പിലിക്കോട്, പ്രമോദ് അടുത്തില , ഗംഗാധരന്‍  വെള്ളൂര്‍  ക്ലാസെടുത്തു. തുടര്‍ന്ന് ജില്ലാപഞ്ചായത്ത് പ്രസിഡന്റ്  എ.ജി.സി ബഷീറുമായി അഭിമുഖം നടന്നു. കെ.പി പ്രകാശ്കുമാര്‍ മുഖ്യാതിഥിയായി.