രാജപുരം: വാഹനാപകടത്തില്‍ പരുക്കേറ്റ് ചികിത്സയില്‍ കഴിയുന്ന കെ.എസ്.ആര്‍.ടി.സി ഡ്രൈവര്‍  രാജപുരം വണ്ണാത്തിക്കാനം പറയക്കോണത്തെ സിബി ചാക്കോയുടെ ചികില്‍സയ്ക്കു പണം കണ്ടെത്താന്‍ സ്വകാര്യ ബസ് കാരുണ്യ യാത്ര നടത്തി. പൂല്ലൂര്‍ കേളോത്ത് ഉണ്ടായ ബസപകടത്തില്‍ ഗുരുതരമായ പരുക്കേറ്റ് മംഗളൂരു ആശുപത്രിയില്‍ ചികില്‍സയിലാണു സിബി. ബോവിക്കാനം അഷറഫിന്റെയും പടന്നക്കാടിലെ മന്‍സൂറിന്റെയും  ഉടമസ്ഥതയിലുള്ള റിച്ചു  ബസും ടി.സി.വൈ ബസുമാണ് കാരുണ്യ യാത്ര നടത്തിയത്.