കണ്ണൂര്‍: രണ്ട് വര്‍ഷത്തിലേറെയായി നിര്‍മാണ മേഖലയില്‍ തുടരുന്ന പ്രതിസന്ധി പരിഹരിക്കണമെന്നാവശ്യപ്പെട്ട് കണ്‍സ്ട്രക്ഷന്‍ വര്‍ക്കേഴ്‌സ് ഫെഡറേഷന്റെ(സി.ഐ.ടി.യു) നേതൃത്വത്തില്‍ നിര്‍മാണത്തൊഴിലാളികളുടെ രാപ്പകല്‍ സമരം കലക്ടറേറ്റിനു മുന്നില്‍ തുടങ്ങി. കരിങ്കല്‍, മണല്‍ ഖനനം ഒഴിവാക്കുക, വിലക്കയറ്റം നിയന്ത്രിക്കുക, അടിസ്ഥാന സൗകര്യ വികസനത്തിന് ഫണ്ട് അനുവദിക്കുക, നിര്‍മാണത്തൊഴിലാളികളുടെ തൊഴില്‍ സംരക്ഷിക്കുക തുടങ്ങിയ ആവശ്യങ്ങളുന്നയിച്ചാണ് സമരം. സി.ഐ.ടി.യു സംസ്ഥാന സെക്രട്ടറി കെ.പി സഹദേവന്‍ ഉദ്ഘാടനം ചെയ്തു.
 ജില്ലാ ട്രഷറര്‍ അരക്കന്‍ ബാലന്‍ അധ്യക്ഷനായി. ജില്ലാസെക്രട്ടറി കെ അശോകന്‍, കെ മനോഹരന്‍, പൂക്കോടന്‍ ചന്ദ്രന്‍ സംസാരിച്ചു.