ചവറ: കളഞ്ഞുകിട്ടിയ പണം തിരിച്ചേല്‍പ്പിച്ച് സുഹൃത്തുക്കള്‍ മാതൃകയായി. തേവലക്കര പാലയ്ക്കല്‍ സ്വദേശികളായ തട്ടയ്ക്കാട്ട് തെക്കതില്‍ ആസിഫ് (21), പുത്തന്‍കുളങ്ങര പടീറ്റതില്‍ മുഹമ്മദ് ഹാഷിം (19) എന്നിവരാണ് പണം പൊലിസ് സ്റ്റേഷനില്‍ ഏല്‍പ്പിച്ചത്. വെള്ളിയാഴ്ച രാത്രി 7.30 ഓടെ ജോലിയും കഴിഞ്ഞ് ബൈക്കില്‍ വരുന്നതിനിടിയില്‍ പന്മന പറമ്പിമുക്കില്‍ ബാഗ് ശ്രദ്ധയില്‍പ്പെടുകയായിരുന്നു. ഇത് തുറന്ന് നോക്കിയപ്പോള്‍ 6,500 രൂപയും ഒരു ജോഡി സ്വര്‍ണ്ണക്കമ്മലും ഒരു മൊബൈല്‍ ഫോണും.
ഉടന്‍തന്നെ സുഹൃത്തുക്കള്‍ നേരെ ചവറ പൊലിസ് സ്റ്റേഷനിലെത്തി ബാഗ് ഏല്‍പ്പിച്ചു. പന്മന സ്വദേശി രശ്മിയുടെ ബാഗാണന്ന് കണ്ടെത്തിയ പൊലിസ് ഇവരെ വിവരം അറിയിപ്പിക്കുകയായിരുന്നു. മകനോടൊപ്പം സ്‌കൂട്ടറില്‍ വീട്ടിലേക്ക് വരുന്നതിനിടയില്‍ സ്‌കൂട്ടറിന്റെ വശത്ത് തൂക്കിയട്ടിരുന്ന ബാഗ് തെറിച്ച് വീഴുകയായിരുന്നു. വീട്ടിലെത്തിയപ്പോഴാണ് ഇത് നഷ്ടമായത് അറിഞ്ഞത്്. ഉടന്‍തന്നെ സ്റ്റേഷനിലെത്തി പൊലിസ് ഉദ്യോഗസ്ഥരുടെ സാന്നിധ്യത്തില്‍ സുഹൃത്തുക്കള്‍ ബാഗ് രശ്മിക്ക് കൈമാറി.