പേരാമ്പ്ര: ബ്ലോക്ക് റിസോഴ്‌സ് സെന്ററിന്റെ ആഭിമുഖ്യത്തില്‍ ബ്ലോക്ക് പരിധിയിലെ സ്‌കൂളുകളിലെ മികച്ച പ്രവര്‍ത്തനങ്ങളുടെ അവതരണം നടന്നു. ഐ.സി.യു.പി പൂഴിത്തോട്, (ചക്കിട്ടപാറ പഞ്ചായത്ത്), ഒറ്റക്കണ്ടം ഹോളി ഫാമിലി യു.പി സ്‌കൂള്‍ (ചങ്ങരോത്ത്), പേരാമ്പ്ര എ.യു.പി സ്‌കൂള്‍ (പേരാമ്പ്ര), വെങ്ങപ്പറ്റ ഗവ. സ്‌കൂള്‍ (കൂത്താളി), ഗവ. എച്ച്.എസ്. ചെറുവണ്ണൂര്‍ (ചെറുവണ്ണൂര്‍), എ.എല്‍. പി സ്‌കൂള്‍ നൊച്ചാട് (നൊച്ചാട്), മാട്ടനോട് എ.യു.പി സ്‌കൂള്‍ (കായണ്ണ) എന്നീ സ്‌കൂളുകള്‍ പഞ്ചായത്ത് തലത്തില്‍ ഒന്നാമതെത്തി. ബി.പി.ഒ കെ. ശ്രീധരന്‍ ഉദ്ഘാടനം ചെയ്തു. കെ. സത്യന്‍ നേതൃത്വം നല്‍കി. നിയോജക മണ്ഡലംതല പരിപാടി 18ന് പേരാമ്പ്ര ബി.ആര്‍.സി യില്‍ നടക്കും.