പേരാമ്പ്ര: സമ്പന്ന കുടുംബത്തില്‍ ജനിച്ച് അടിസ്ഥാന വര്‍ഗക്കാരുടെയും സമൂഹത്തിന്റെയും ഉന്നമനത്തിനായി പോരാടിയ നിസ്വാര്‍ഥ പ്രവര്‍ത്തകനായിരുന്നു കെ.ടി കുഞ്ഞിരാമന്‍ നായരെന്ന് കെ.പി.സി.സി ജനറല്‍ സെക്രട്ടറി അഡ്വ. കെ. പ്രവീണ്‍ കുമാര്‍ പറഞ്ഞു.
സ്വാതന്ത്ര്യ സമര സേനാനിയും കോണ്‍ഗ്രസ് നേതാവുമായിരുന്ന കെ.ടി കുഞ്ഞിരാമന്‍ നായരുടെ 30-ാം ചരമദിനത്തില്‍ ചങ്ങരോത്ത് മണ്ഡലം കോണ്‍ഗ്രസ് കമ്മിറ്റി സംഘടിപ്പിച്ച അനുസ്മരണ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
ബ്ലോക്ക് കമ്മിറ്റി പ്രസിഡന്റ് രാജന്‍ മരുതേരി അധ്യക്ഷനായി. ഡി.സി.സി ഭാരവാഹികളായ മുനീര്‍ എരവത്ത്, സത്യന്‍ കടിയങ്ങാട്, ഇ.വി രാമചന്ദ്രന്‍, കെ.കെ വിനോദന്‍, മണ്ഡലം പ്രസിഡന്റ് ഇ.ടി സരീഷ്, എന്‍.പി വിജയന്‍, രാജന്‍ കെ. പുതിയേടത്ത്, ഇ.ടി സത്യന്‍, വിനോദന്‍ കല്ലൂര്‍, സി.കെ ബാലന്‍ പ്രസംഗിച്ചു.
രാവിലെ ആവടുക്കയിലെ വീട്ടുവളപ്പിലെ ശവകുടീരത്തില്‍ നടന്ന പുഷ്പാര്‍ച്ചനയില്‍ കെ.പി.സി.സി നിര്‍വാഹക സമിതിയംഗം കെ. ബാലനാരായണന്‍, പി.ജെ തോമസ്, പി.കെ രാഗേഷ്, എസ്. സുനന്ദ്, പി.എം പ്രകാശന്‍, എടാണി മനോജ്, വാസു വേങ്ങേരി, ഷാജു പൊന്‍പറ, വി.വി ദിനേശന്‍, പി.എസ് സുനില്‍കുമാര്‍, പി.ടി കുഞ്ഞിക്കേളു, ഇ.വി ശങ്കരന്‍, സത്യന്‍ കല്ലൂര്‍ നേതൃത്വം നല്‍കി.