താമരശേരി: ചെമ്പ്ര ഗവ.എല്‍.പി സ്‌കൂളില്‍ പി.ടി.എ കമ്മിറ്റിയുടെ ആഭിമുഖ്യത്തില്‍ കോഴിക്കോട് ഗവ.ഡെന്റല്‍ മെഡിക്കല്‍ കോളജിന്റെ സഹകരണത്തോടെ ദന്ത പരിശോധനാ ക്യാംപും ആരോഗ്യബോധവല്‍ക്കരണ സെമിനാറും സംഘടിപ്പിച്ചു. 10 പേരടങ്ങിയ ഡോക്ടര്‍മാരുടെ സംഘമാണ് ക്യാംപിനെത്തിയത്.
ഡോ.കെ ഷഹീര്‍ ആരോഗ്യബോധവല്‍ക്കരണ സെമിനാറിന് നേതൃത്വം നല്‍കി.പരിപാടിയില്‍ പി.ടി.എ പ്രസിഡന്റ് പി.കെ സത്യന്‍ അധ്യക്ഷനായി. കെ.പി.എ കരീം, പി.കെ മുഹമ്മദ് ഹാജി, സ്റ്റാഫ് സെക്രട്ടറി പി.സി യഹ്‌യാഖാന്‍ സംസാരിച്ചു.
പ്രധാനാധ്യാപിക കെ.എം അല്‍ഫോന്‍സ സ്വാഗതവും പി.ടി.എ വൈസ് പ്രസിഡന്റ് ഉസ്മാന്‍ പി.ചെമ്പ്ര നന്ദിയും പറഞ്ഞു. അധ്യാപകരായ എ.എസ് ഡെയ്‌സി, പി. ശ്രീജ, കെ. മറിയോമ്മ, പി. ഷാമിലി, റോമില, സ്‌നേഹസ്മിത, മദര്‍ പി.ടി.എ ഭാരവാഹികള്‍ നേതൃത്വം നല്‍കി.