ആലപ്പുഴ: വീട് ആക്രമിച്ചുവെന്ന പേരില്‍ ചങ്ങനാശേരി കാരക്കാട് സ്വദേശി അഖിലിനെ ചെങ്ങന്നൂര്‍ പൊലിസ് കസ്റ്റഡിയിലെടുത്ത് മര്‍ദിച്ച് അത്യാസന്ന നിലയില്‍ ആശുപത്രിയില്‍ പ്രവേശിപ്പിച്ച സംഭവം ആലപ്പുഴ ജില്ലാ പൊലിസ് മേധാവി നേരിട്ട് അന്വേഷിക്കണമെന്ന് സംസ്ഥാന മനുഷ്യാവകാശ കമ്മിഷന്‍ ഉത്തരവ്.
അന്വേഷണ റിപ്പോര്‍ട്ട് ഒരു മാസത്തിനകം സമര്‍പ്പിക്കണമെന്ന് കമ്മിഷന്‍ ആക്റ്റിങ് അധ്യക്ഷന്‍ പി.മോഹനദാസ് ആവശ്യപ്പെട്ടു.
മാധ്യമ വാര്‍ത്തകളുടെ അടിസ്ഥാനത്തില്‍ സ്വമേധയാ രജിസ്റ്റര്‍ ചെയ്ത കേസിലാണ് നടപടി. എത്രത്തോളം വിമര്‍ശിക്കുമോ അത്രത്തോളം ആക്രമിക്കും എന്നതാണ് പൊലിസിന്റെ നിലപാടെന്ന് അദ്ദേഹം പറഞ്ഞു. ഒരു ജനാധിപത്യ രാജ്യത്ത് ഇത്തരം ദുര്‍നടപടികള്‍ അനുവദിച്ചു നല്‍കാനാവില്ല.
സംസ്ഥാനത്ത് പൊലിസ് രാജ് അനുവദിക്കരുതെന്നും കമ്മിഷന്‍ ഉത്തരവില്‍ പറഞ്ഞു.
ചെങ്ങന്നൂര്‍ കസ്റ്റഡി മരണത്തില്‍ ഉത്തരവാദികളെയെല്ലാം നിയമത്തിനു മുന്നിലെത്തിച്ച് കേരള പൊലിസ് ആക്റ്റ് അനുസരിച്ച് നടപടിയെടുക്കണമെന്നും കമ്മിഷന്‍ ജില്ലാ പൊലിസ് മേധാവിക്ക് നിര്‍ദേശം നല്‍കി.
അര്‍ധരാത്രി ചെങ്ങന്നൂര്‍ സിഐ വീട്ടിലെത്തി അഖിലിനെ കസ്റ്റഡിയിലെടുത്തുവെന്നാണ് ആരോപണം. അപസ്മാര ബാധയെ തുടര്‍ന്ന് കോട്ടയം മെഡിക്കല്‍ കോളജ് ആശുപത്രിയിലേക്ക് കൊണ്ടു പോകുമ്പോള്‍ ആരോഗ്യ നില വഷളായി തിരുവല്ലയിലെ സ്വകാര്യാശുപത്രിയില്‍ പ്രവേശിപ്പിക്കുകയായിരുന്നു എന്നാണ് പൊലിസ് പറയുന്നത്.ആലപ്പുഴ: വീട് ആക്രമിച്ചുവെന്ന പേരില്‍ ചങ്ങനാശേരി കാരക്കാട് സ്വദേശി അഖിലിനെ ചെങ്ങന്നൂര്‍ പൊലിസ് കസ്റ്റഡിയിലെടുത്ത് മര്‍ദിച്ച് അത്യാസന്ന നിലയില്‍ ആശുപത്രിയില്‍ പ്രവേശിപ്പിച്ച സംഭവം ആലപ്പുഴ ജില്ലാ പൊലിസ് മേധാവി നേരിട്ട് അന്വേഷിക്കണമെന്ന് സംസ്ഥാന മനുഷ്യാവകാശ കമ്മിഷന്‍ ഉത്തരവ്.
അന്വേഷണ റിപ്പോര്‍ട്ട് ഒരു മാസത്തിനകം സമര്‍പ്പിക്കണമെന്ന് കമ്മിഷന്‍ ആക്റ്റിങ് അധ്യക്ഷന്‍ പി.മോഹനദാസ് ആവശ്യപ്പെട്ടു.
മാധ്യമ വാര്‍ത്തകളുടെ അടിസ്ഥാനത്തില്‍ സ്വമേധയാ രജിസ്റ്റര്‍ ചെയ്ത കേസിലാണ് നടപടി. എത്രത്തോളം വിമര്‍ശിക്കുമോ അത്രത്തോളം ആക്രമിക്കും എന്നതാണ് പൊലിസിന്റെ നിലപാടെന്ന് അദ്ദേഹം പറഞ്ഞു. ഒരു ജനാധിപത്യ രാജ്യത്ത് ഇത്തരം ദുര്‍നടപടികള്‍ അനുവദിച്ചു നല്‍കാനാവില്ല.
സംസ്ഥാനത്ത് പൊലിസ് രാജ് അനുവദിക്കരുതെന്നും കമ്മിഷന്‍ ഉത്തരവില്‍ പറഞ്ഞു.
ചെങ്ങന്നൂര്‍ കസ്റ്റഡി മരണത്തില്‍ ഉത്തരവാദികളെയെല്ലാം നിയമത്തിനു മുന്നിലെത്തിച്ച് കേരള പൊലിസ് ആക്റ്റ് അനുസരിച്ച് നടപടിയെടുക്കണമെന്നും കമ്മിഷന്‍ ജില്ലാ പൊലിസ് മേധാവിക്ക് നിര്‍ദേശം നല്‍കി.
അര്‍ധരാത്രി ചെങ്ങന്നൂര്‍ സിഐ വീട്ടിലെത്തി അഖിലിനെ കസ്റ്റഡിയിലെടുത്തുവെന്നാണ് ആരോപണം. അപസ്മാര ബാധയെ തുടര്‍ന്ന് കോട്ടയം മെഡിക്കല്‍ കോളജ് ആശുപത്രിയിലേക്ക് കൊണ്ടു പോകുമ്പോള്‍ ആരോഗ്യ നില വഷളായി തിരുവല്ലയിലെ സ്വകാര്യാശുപത്രിയില്‍ പ്രവേശിപ്പിക്കുകയായിരുന്നു എന്നാണ് പൊലിസ് പറയുന്നത്.