കോഴിക്കോട്: ഫാറൂഖ് കോളേജ് നാഷണല്‍ സര്‍വീസ് സ്‌കീം യൂണിറ്റ് തിരുവന്തപുരത്തെ കേരളാ ഗവര്‍മെന്റ് ഇന്‍സ്റ്റിറ്റ്യൂട്ട് ഓഫ് പാര്‍ലമെന്ററി അഫ്‌യേഴ്‌സിന്റെ  സഹകരണത്തോടെ മോക്ക് പാര്‍ലമെന്റ്, പത്ര നിര്‍മ്മാണം എന്നീ ഇനങ്ങളില്‍ സംസ്ഥാന തല അന്തര്‍ കലാലയ മത്സരങ്ങള്‍ സംഘടിപ്പിച്ചു.  അഭിഷേക് ടി. ആര്‍ (ഗവ. ആര്‍ട്‌സ് ആന്റ് സയന്‍സ് കോളേജ്, കൊടുവള്ളി), ഫിദ  യൂസഫ് കുരിക്കള്‍ (ഫാറൂഖ് കോളേജ് ), അമൃത എം (ഗവ. ആര്‍ട്‌സ് ആന്റ് സയന്‍സ് കോളേജ്, മീഞ്ചന്ത) എന്നിവരെ മികച്ച പാര്‍ലമെന്റേറിയന്മാരായി തിരഞ്ഞെടുത്തു. പത്ര നിര്‍മാണ മത്സരത്തില്‍ മുക്കം എം. എ. എം. ഓ. കോളജ് , മീഞ്ചന്ത ഗവ. ആര്‍ട്‌സ് ആന്റ് സയന്‍സ് കോളജ്,  എന്നീ കോളേജ് ടീമുകള്‍ യഥാക്രമം ഒന്ന്, രണ്ട് സ്ഥാനങ്ങള്‍ നേടി.  സുല്‍ത്താന്‍ ബത്തേരി സെന്റ് മേരീസ് കോളജ്, ഫാറൂഖ് കോളജ് ടീമുകള്‍ മൂന്നാം സ്ഥാനം പങ്കിട്ടു.കോളജ് പ്രിന്‍സിപ്പല്‍ പ്രൊഫ. ഇ. പി. ഇമ്പിച്ചിക്കോയ മത്സരപരിപാടി ഉദ്ഘാടനം ചെയ്തു. പ്രോഗ്രാം ഓഫീസര്‍ കമറുദ്ധീന്‍ പരപ്പില്‍ അധ്യക്ഷനായി. ഫാറൂഖ് ട്രെയിനിങ് കോളജ് പ്രിന്‍സിപ്പല്‍  ഡോ. സി. എ ജവഹര്‍ മത്സര വിജയികള്‍ക്ക് സമ്മാനം വിതരണം ചെയ്തു. ഡോ. എം അബ്ദുല്‍ ജലീല്‍, ഡോ. അഫീഫ് തറവട്ടത്തു, സലീന മാളിയേക്കല്‍, കെ. ലുഖ്മാന്‍ , സി. രഹ്‌ന സംസാരിച്ചു.