ബകു: അന്താരാഷ്ട്ര ബോക്‌സിങ് അസോസിയേഷന്റെ ഒളിംപിക് യോഗ്യതാ ടൂര്‍ണമെന്റില്‍ ഇന്ത്യന്‍ താരങ്ങള്‍ക്ക് തിരിച്ചടി. 81 കിലോ വിഭാഗം ക്വാര്‍ട്ടറില്‍ ഇന്ത്യയുടെ സുമിത സംഗ്‌വാന്‍ പരാജയമേറ്റു വാങ്ങി. റഷ്യയുടെ പീറ്റര്‍ കമുകോവിനോടാണ് സുമിത് തോല്‍വിയേറ്റു വാങ്ങിയത്. തോല്‍വിയോടെ സുമിത്തിന്റെ ഒളിംപിക് പ്രതീക്ഷകള്‍ അസ്തമിച്ചു. അതേസമയം നേരത്തെ തന്നെ ഒളിംപിക് യോഗ്യത സ്വന്തമാക്കിയ വികാസ് കൃഷ്ണനും മനോജ് കുമാറിനും ക്വാര്‍ട്ടറില്‍ അടിതെറ്റി. 75 കിലോ വിഭാഗത്തില്‍ തുര്‍ക്ക്‌മെനിസ്താന്റെ അച്ചിലോവ് അര്‍സ്ലാന്‍ബെക്കിനെതിരേയുള്ള മത്സരത്തില്‍ പരുക്കിനെ തുടര്‍ന്ന് വികാസ് പിന്‍മാറുകയായിരുന്നു. മനോജ് നിലവിലെ യൂറോപ്പ്യന്‍ ചാംപ്യനായ ബ്രിട്ടീഷ് താരം പാറ്റ് മക്‌കോര്‍മാക്കിനോടാണ് പരാജയപ്പെട്ടത്. തോറ്റെങ്കിലും ഇരുവര്‍ക്കും വെങ്കലം നേടാന്‍ സാധിച്ചു.