ചെന്നൈ: തമിഴ്‌നാട് കോണ്‍ഗ്രസ് സംസ്ഥാന അധ്യക്ഷന്‍ ഇ.വി.കെ.എസ് ഇളങ്കോവന്‍ രാജിവച്ചു. രാജിക്കത്ത് വൈകാതെ ഹൈക്കമാന്‍ഡിനു കൈമാറും. കഴിഞ്ഞ നിയമസഭാ തെരഞ്ഞെടുപ്പിലെ തോല്‍വിയെത്തുടര്‍ന്നുണ്ടായ അസ്വാസര്യങ്ങളാണ് രാജിയില്‍ കലാശിച്ചത്.

സ്ഥാനാര്‍ഥി നിര്‍ണയത്തിലെ പാളിച്ചകളാണ് തോല്‍വിക്കു കാരണമെന്ന് ആക്ഷേപം ഉയര്‍ന്നിരുന്നു. പിന്നാലെ ഇളങ്കോവനെതിരെ ഹൈക്കമാന്‍ഡ് നടപടി വരുമെന്നും വാര്‍ത്തയുണ്ടായിരുന്നു. ഇതേത്തുടര്‍ന്നാണ് രാജിയെന്നാണ് സൂചന. മത്സരിച്ച 41 സീറ്റില്‍ എട്ടിടത്ത് മാത്രമാണ് കോണ്‍ഗ്രസിനു ജയിക്കാനായത്.