പൊന്നാനി: ഒരേ നമ്പറില്‍ രണ്ടു പാന്‍ കാര്‍ഡുകള്‍. പൊന്നാനി ചമ്രവട്ടം കടവ് സ്വദേശികളും സഹോദരന്‍മാരുമായ ഹസനും ഹുസ്സനുമാണ് ഒരേ നമ്പറില്‍ പാന്‍ കാര്‍ഡുകള്‍ ലഭിച്ചത്. ഹുസ്സന്‍ 2011ലാണ് പാന്‍ കാര്‍ഡ് എടുത്തത്.
ഈ പാന്‍ കാര്‍ഡിന്റെ നമ്പര്‍ എ.എഫ്.പി .പി.എച്ച്.1757 എം എന്നാണ്. 2013ല്‍ പാന്‍ കാര്‍ഡെടുത്ത ഹസനും ഇതേ നമ്പര്‍തന്നെയാണ് ലഭിച്ചത്.
തമിഴ്‌നാട്ടില്‍ ബിസിനസ് നടത്തുന്ന ഹുസ്സന്‍ നാലു മാസം മുന്‍പു സഹോദരന്റെ  അക്കൗണ്ടിലേക്ക് അന്‍പതിനായിരത്തിനു മുകളിലുള്ള തുക നിക്ഷേപിക്കാന്‍ ബാങ്കിലെത്തിയപ്പോള്‍ പാന്‍ കാര്‍ഡ് ആവശ്യപ്പെട്ടു. റസീപ്റ്റില്‍ പാന്‍ കാര്‍ഡ് നമ്പര്‍ രേഖപ്പെടുത്തുമ്പോഴാണ് രണ്ടും ഒരേ നമ്പറാണെന്നു ബോധ്യമായത്.
ഇന്‍കം ടാക്‌സ് അധികൃതരുടെ ഭാഗത്തുനിന്നുള്ള വീഴ്ചയാണ് ഒരേ നമ്പറുകള്‍ ലഭിക്കാന്‍ കാരണമായതെന്നു ഹുസ്സന്‍ പറഞ്ഞു. ഇന്‍കം ടാക്‌സ് അധികൃതരെവിവരമറിയിക്കാനൊരുങ്ങുകയാണ് സഹോദരങ്ങള്‍.