കൊണ്ടോട്ടി:യന്ത്രത്തകരാറിനെ തുടര്‍ന്ന് എയര്‍ഇന്ത്യയുടെ ഷാര്‍ജ വിമാനം മുടങ്ങിയത് കരിപ്പൂരില്‍ യാത്രക്കാരെ പ്രകോപിതരാക്കി.വെളളിയാഴ്ച രാത്രി 9.30ന് കരിപ്പൂരില്‍ നിന്ന് പുറപ്പെടേണ്ട എയര്‍ഇന്ത്യയുടെ 999 വിമാനമാണ് യന്ത്രത്തകാരറിനെ തുടര്‍ന്ന് മുടങ്ങിയത്.166 യാത്രക്കാരാണ് വിമാനത്തില്‍ പോകാനായി ഉണ്ടായിരുന്നത്.ഇവര്‍ പരിശോധനകള്‍ കഴിഞ്ഞ് സെക്യൂരിറ്റി ലോഞ്ചിലിരിക്കുമ്പോഴാണ് വിമാനം വൈകുമെന്ന അറിയിപ്പുണ്ടായത്.രാത്രി ഒരുമണി വരെ വിമാന കാത്തിരുന്ന യാത്രക്കാരെ പിന്നീട് വിമാനം പുലര്‍ച്ചെ പുറപ്പെടുമെന്ന് അറിയിച്ച് ഹോട്ടലിലേക്ക് മാറ്റുകയായിരുന്നു.
ശനിയാഴ്ച പുലര്‍ച്ചെ 5.30 ഓടെ ഇവരെ ഹോട്ടലില്‍ നിന്ന് വിമാനത്താളത്തിലെത്തിച്ചെങ്കിലും വിമാനത്തിന്റെ തകരാര്‍ തീര്‍ക്കാനായില്ല.രാവിസെ 11.30 ഓടെയാണ് യാത്രക്കാര്‍ പ്രകോപിതരായത്.ഇവര്‍ ബഹളം വെച്ച് മറ്റുവിമാനങ്ങളില്‍ പോകാനെത്തിയവരെ തടഞ്ഞ് നാടകീയ രംഗങ്ങള്‍ സൃഷ്ടിച്ചു.പിന്നീട് കേന്ദ്ര സുരക്ഷ സേന ഇടപെട്ടാണ് രംഗം ശാന്തമാക്കിയത്.ഈ വിമാനം പിന്നീട് 18 മണിക്കൂര്‍ വൈകി ഉച്ചക്ക് 3.30 ഓടെയാണ് മടങ്ങിയത്.ഈ വിമാനത്തിന്റെ രാവിലെ 7.30നുളള ദുബൈ സര്‍വ്വീസും ഇതോടെ അനിശ്ചിതമായി വൈകി.