കോഴിക്കോട്: മുഖ്യമന്ത്രി പിണറായി വിജയന്‍ പ്രധാനമന്ത്രി നരേന്ദ്ര മോദിക്കു പഠിക്കുകയാണെന്ന് പ്രതിപക്ഷ നേതാവ് രമേശ് ചെന്നിത്തല. പാര്‍ട്ടി നിയന്ത്രണത്തിലാണ് സര്‍ക്കാറിന്റെ പോക്ക്. ഇതു ജനാധിപത്യത്തിന് നല്ലതല്ലെന്നും മുഖ്യമന്ത്രി ചെന്നിത്തല പറഞ്ഞു. മദ്യനയം തിരുത്താനുളള ശ്രമമാണ് സര്‍ക്കാര്‍ നടത്തുന്നതെന്നും അദ്ദേഹം പറഞ്ഞു.

സ്ത്രീ സുരക്ഷയുടെയും ദലിത് സംരക്ഷത്തിന്റെയും പേരില്‍ മുതലക്കണ്ണീര്‍ ഒഴുക്കി ഭരണത്തിലേറിയ പിണറായിയും സംഘവും ഇപ്പോള്‍ സ്ത്രീകളെയും ദളിതരെയും അടിച്ചമര്‍ത്താന്‍ ഭരണത്തെ ഉപയോഗിക്കുകയാണെന്നും ചെന്നിത്തല ആരോപിച്ചു.

മുല്ലപ്പെരിയാര്‍ വിഷയത്തില്‍ മുഖ്യമന്ത്രി തമിഴ്‌നാടിന്റെ താല്‍പര്യത്തിനൊപ്പം നില്‍ക്കുകയാണ്. ഡല്‍ഹിയില്‍ പിണറായി വിജയന് നാക്കു പിഴച്ചതാണെങ്കില്‍ അതിന്റെ പേരില്‍ കേരള ജനതയെ ബലികഴിക്കാനാവില്ലെന്നും രമേശ് ചെന്നിത്തല പറഞ്ഞു.