ഒറ്റപ്പാലം: ആസക്തിക്കെതിരെ ആത്മ സമരം എന്ന പ്രമേയവുമായി എസ് കെ എസ് എസ് എഫ് .റമസാന്‍ കാംപയിനിന്റെ ഭാഗമായാണ്എസ് കെ എസ് എസ് എഫ് ശാഖാ തലങ്ങളില്‍ ഖുര്‍ആന്‍ ഹദീസ് പഠന സദസ്സുകള്‍ ഇഫ്ത്താര്‍ മീറ്റുകള്‍, ക്ലസ്റ്റര്‍ തലങ്ങളില്‍ സക്കാത്ത് സെമിനാര്‍, റിലീഫ് വിതരണം, നിര്‍ധനരായ കുടുംബങ്ങള്‍ക്ക് റംസാന്‍ കിറ്റ് വിതരണം, നിര്‍ധനരായ വിദ്യാര്‍ത്ഥികള്‍ക്ക് പഠനോപകരണ വിതരണം,മേഖല തലത്തില്‍ ബദര്‍ അനുസ്മരണ സംഗമം നടത്താനും,സഹചാരി ഫണ്ട് ശേഖരണം വിജയിപ്പിക്കാനും ദാറുല്‍ ഖൈറാത്ത് കാംപസില്‍ വെച്ചു നടന്ന മേഖല കണ്‍വെന്‍ഷന്‍ തീരുമാനിച്ചു.
മേഖല വൈസ് പ്രസിഡന്റ് ശംസുദ്ധീന്‍ ഫൈസി അധ്യക്ഷനായ യോഗം എസ് വൈ എസ് മണ്ഡലം പ്രസിഡണ്ട് ടി.പി അബൂബക്കര്‍ മുസ്‌ലിയാര്‍ ഉദ്ഘാടനം ചെയ്തു.എസ് കെ എസ് എസ് എഫ് ജില്ല വൈസ് പ്രസിഡന്റ് പ്രൊഫ.സി.കെ മുഷ്താഖ് മുഖ്യ പ്രഭാഷണം നടത്തി. ജില്ലാ ത്വലബാ സെക്രട്ടറി ടി.പി.എ മജീദ് ഫൈസി പദ്ധതികള്‍ വിശദീകരിച്ചു.
ട്രെന്‍ഡ് ജില്ലാ ചെയര്‍മാന്‍ ഷാഫി മാസ്റ്റര്‍,സയ്യിദ് ബാസിത്ത് തങ്ങള്‍,റിയാസ് ചുനങ്ങാട്,സ്വാദിഖ് അന്‍വരി, കെ.വി മുനാഫര്‍, സഹചാരി മേഖലാ കണ്‍വീനര്‍ ജബ്ബാര്‍ വരോട് , ജില്ലാ ആക്റ്റീവ് വിങ്ങ് മെമ്പര്‍ ഷാഹിദ് അഹമ്മദ് എന്നിവര്‍ സംബന്ധിച്ചു.
ആദര്‍ശസമ്മേളനം മേഖലാ കോഡിനേറ്റര്‍ റിയാസ് മലപ്പുറത്തിന് ടി.പി അബൂബക്കര്‍ മുസ്ലിയാര്‍ ട്രോഫി സമ്മാനിച്ചു. ഒറ്റപ്പാലം മേഖലാ സെക്രട്ടറി റഫീഖ് പിലാത്തറ സ്വാഗതവും വര്‍ക്കിങ് സെക്രട്ടറി നിഷാദ് വരോട് നന്ദിയും പറഞ്ഞു.