പാലക്കാട് : സമസ്ത ആദര്‍ ക്യാംപയിന്റെ ഭാഗമായി ജില്ലാ ആദര്‍ശ സെമിനാറും റിലീഫ് വിതരണവും 'ആസക്തിക്കെതിരെ ആത്മസമരം' എന്ന പ്രമേയത്തില്‍ സംസ്ഥാന വ്യാപകമായി ആചരിക്കുന്ന റമദാന്‍ ക്യാംപയിന്റെ ജില്ലാതല ഉദ്ഘാടനവും ഈ മാസം 15ന് കാലത്ത് 10 മണിക്ക് കുഴല്‍മന്ദം ക്രൗണ്‍പാലസ് ഓഡിറ്റോറിയത്തില്‍ നടക്കും.
ജംഇയ്യത്തുല്‍ മുദ്‌രസിന്‍ ജില്ലാ പ്രസിഡന്റ് സയ്യിദ് അബ്ദുറഹിമാന്‍ ജിഫ്‌രി തങ്ങള്‍ വല്ലപ്പുഴ പ്രാര്‍ഥനക്ക് നേതൃത്വം നല്‍കും. എസ്.വൈ.എസ് ജില്ലാ ജനറല്‍ സെക്രട്ടറി ടി.കെ മുഹമ്മദ്കുട്ടി ഫൈസി കരുവാന്‍പടി സ്വാഗതം പറയും. എസ്.വൈ.എസ് ജില്ലാ പ്രസിഡന്റ് സയ്യിദ് പി.കെ ഇമ്പിച്ചിക്കോയ തങ്ങള്‍ പഴയലെക്കിടി അധ്യക്ഷനാകും. സമസ്ത ട്രഷറര്‍ സി.കെ.എം സാദിഖ് മുസ്‌ലിയാര്‍ ഉദ്ഘാടനം ചെയ്യും.
ആദര്‍ശ സെമിനാറില്‍ എസ്.കെ.ജെ.യു ജില്ലാ വര്‍ക്കിംഗ് സെക്രട്ടറി ഇ.അലവി ഫൈസി കുളപ്പറമ്പ്, എസ്.വൈ.എസ് ജില്ലാ വര്‍ക്കിംഗ് സെക്രട്ടറി ജി.എം സ്വലാഹുദ്ദീന്‍ ഫൈസി വല്ലപ്പുഴ, എസ്.കെ.എസ്.എസ്.എഫ് ജില്ലാ പ്രസിഡന്റ് പി.കെ അന്‍വര്‍ സാദിഖ് ഫൈസി കാഞ്ഞിരപ്പുഴ എന്നിവര്‍ 'സലഫിസ്റ്റുകള്‍ അറിയില്ല സലഫിനെ' എന്ന വിഷയത്തില്‍ പ്രസംഗിക്കും.
റമദാന്‍ ക്യാംപയിന്‍ ഉദ്ഘാടന സെഷനില്‍ പ്രമേയാവതരണം എസ്.കെ.എസ്.എസ്.എഫ് സംസ്ഥാന ട്രഷറര്‍ എന്‍ ഹബീബ് ഫൈസി കോട്ടോപ്പാടം നിര്‍വഹിക്കും. കെ.സി അബൂബക്കര്‍ ദാരിമി, സി.മുഹമ്മദലി ഫൈസി കോട്ടോപ്പാടം, സാദാലിയാഖത്തലി ഖാന്‍ ഹാജി കല്ലടിക്കോട്, വി.എ.സി കുട്ടിഹാജി പഴയലെക്കിടി, കെ.പി.എ സമദ് മാസ്റ്റര്‍ പൈലിപ്പുറം, ടി.എച്ച്.എ കബീര്‍ അന്‍വരി, ടി.പി അബൂബക്കര്‍ മുസ്‌ലിയാര്‍, ഇ.വി ഖാജാദാരിമി തൂത, എം.വീരാന്‍ഹാജി പൊട്ടച്ചിറ, പി.സി ഹംസഫൈസി പലക്കാട്, പി.എം യൂസഫ് പത്തിരിപ്പാല, കെ.എം ബഷീര്‍ ദാരിമി ആലത്തൂര്‍, എ.എ ജബ്ബാര്‍ ഫൈസി പുത്തിരിപ്പാടം, എ.എ ഖാദര്‍ അന്‍വരി കൈറാടി സംബന്ധിക്കും. എസ്.വൈ.എസ് കുഴല്‍മന്ദം മണ്ഡലം ജനറല്‍ സെക്രട്ടറി സി.പി ഷാഹുല്‍ഹമീദ് ഫൈസി കോട്ടായി നന്ദി പറയും.