കോഴിക്കോട്: എസ്. വൈ. എസ് സംസ്ഥാന നേതൃക്യാംപിന് ഇന്ന് തുടക്കം. പട്ടിക്കാട് എം. ഇ. എ എന്‍ജിനീയറിങ് കോളജില്‍ വൈകിട്ട് 4.30 ന് പതാക ഉയര്‍ത്തുന്നതോടെ ആരംഭിക്കുന്ന ക്യാംപ് പാണക്കാട് സയ്യിദ് ഹൈദര്‍ അലി ശിഹാബ് തങ്ങള്‍ ഉദ്ഘാടനം ചെയ്യും. സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ അധ്യക്ഷനാകും. സുന്നി യുവജന സംഘം സംസ്ഥാന ജനറല്‍ സെക്രട്ടറി സയ്യിദ് മുഹമ്മദ് കോയ തങ്ങള്‍ ജമലുല്ലൈലി സ്വാഗതം പറയും. പ്രൊഫ. കെ. ആലിക്കുട്ടി മുസ്‌ലിയാര്‍ മുഖ്യപ്രഭാഷണം നടത്തും. എം. ടി. അബ്ദുല്ല മുസ്‌ലിയാര്‍  പാണക്കാട് സയ്യിദ് സ്വാദിഖലി ശിഹാബ് തങ്ങള്‍, പാണക്കാട് സയ്യിദ് അബ്ബാസലി ശിഹാബ് തങ്ങള്‍ തുടങ്ങിയവര്‍ സംബന്ധിക്കും.
ക്യാംപില്‍ ആദര്‍ശ സെമിനാര്‍, സംഘടനാ പാര്‍ലമെന്റ്, മജ്‌ലിസുന്നൂര്‍, ഗ്രൂപ്പ് ചര്‍ച്ച, വ്യക്തിത്വ വികാസ പഠന ക്ലാസ് , പുതിയ കര്‍മ പദ്ധതി പ്രഖ്യാപനം തുടങ്ങിയവ നടക്കും. സംസ്ഥാന കൗണ്‍സിലര്‍മാരാണ് ക്യാംപില്‍ പങ്കെടുക്കുക.