തിരുവനന്തപുരം: ഡല്‍ഹി മുഖ്യമന്ത്രി അരവിന്ദ് കെജ്്‌രിവാള്‍ ഖരഗ്പൂര്‍ ഐ.ഐ.ടിയില്‍ പ്രവേശനം നേടിയത് റാങ്ക്്‌ലിസ്റ്റില്‍ വരാതെയെന്ന് ബി.ജെ.പി നേതാവ് സുബ്രഹ്മണ്യന്‍ സ്വാമി എം.പി. കേരള പത്രപ്രവര്‍ത്തക യൂണിയന്‍ സംഘടിപ്പിച്ച മീറ്റ് ദി പ്രസ് പരിപാടിയില്‍ സംസാരിക്കുകയായിരുന്നു അദ്ദേഹം. ഐ.ഐ.ടി മാനേജിങ് കമ്മിറ്റിയെ സ്വാധീനിച്ചാണ് പ്രവേശനം തരപ്പെടുത്തിയത്. കെജ്്‌രിവാളിന്റെ പിതാവ് ജിന്‍ഡാല്‍ കമ്പനി ജീവനക്കാരനായിരുന്നു. ജിന്‍ഡാലിന്റെ സമ്മാനമാണ് ഐ.ഐ.ടി സീറ്റ്. മന്ത്രിമാരുടെ വസ്ത്രത്തെക്കുറിച്ചുള്ള തന്റെ ട്വീറ്റ് കേന്ദ്ര ധനമന്ത്രി അരുണ്‍ ജയ്റ്റ്‌ലിയെ ലക്ഷ്യംവച്ചല്ല. കോണ്‍ഗ്രസ് ഉപാധ്യക്ഷന്‍ രാഹുല്‍ഗാന്ധി ലണ്ടനില്‍ ഒരു പ്രത്യേക സുഹൃത്തിനൊപ്പം കഴിയുകയാണ്. അദ്ദേഹത്തെ ശല്യപ്പെടുത്തേണ്ടെന്നും അദ്ദേഹം പറഞ്ഞു.