ന്യൂഡല്‍ഹി: തീവ്രവാദ ഭീഷണിയുടെ പശ്ചാത്തലത്തില്‍ താജ്മഹലിന്റെ സുരക്ഷ വര്‍ധിപ്പിച്ചു. ഇതോടനുബന്ധിച്ച് കൂടുതല്‍ സേനയെ താജ്മഹല്‍ പരിസരത്ത് വിന്യസിച്ചു. താജ്മഹല്‍ സന്ദര്‍ശിക്കാനെത്തുന്നവരും പരിസരത്തുകൂടെ കടന്നുപോകുന്ന വാഹനങ്ങളും പൊലിസ് നിരീക്ഷണത്തിലാണ്.

ഐഎസ് അനുകൂല സംഘടന താജ്മഹല്‍ തകര്‍ക്കാന്‍ പദ്ധതിയിടുന്നതായുള്ള റിപ്പോര്‍ട്ടിനെ തുടര്‍ന്നാണ് സുരക്ഷ ശക്തമാക്കിയിരിക്കുന്നത്. ഭീഷണിയുമായി ബന്ധപ്പെട്ട ഗ്രാഫിക് ചിത്രം തീവ്രവാദ പ്രവര്‍ത്തനങ്ങള്‍ ഓണ്‍ലൈനില്‍ നിരീക്ഷിക്കുന്ന സൈറ്റിന് ലഭിച്ചു.

കറുത്ത മുഖംമൂടി അണിഞ്ഞ ആയുധധാരിയായ ഒരാള്‍ താജ്മഹലിന് നേരെ തിരിഞ്ഞു നില്‍ക്കുന്നതും താഴെ 'പുതിയ ലക്ഷ്യം' എന്ന് എഴുതിയിരിക്കുന്നതുമാണ് ചിത്രത്തില്‍ ഉള്ളത്. ഐ.എസ് ഭീകരര്‍ ഡല്‍ഹിയിലെത്തിയതായി നേരത്തെ ഇന്റലിജന്‍സ് മുന്നറിയിപ്പുണ്ടായിരുന്നു.