കാബൂള്‍: അഫ്ഗാനിസ്താനില്‍ പ്രവിശ്യാ സര്‍ക്കാര്‍ ആസ്ഥാനത്തിനടുത്ത് കാര്‍ ബോംബ് സ്‌ഫോടനത്തില്‍ എട്ടു മരണം. കിഴക്കന്‍ അഫ്ഗാന്‍ പ്രവിശ്യയായ നംഗര്‍ഹാറിലാണു സംഭവം. നംഗര്‍ഹാറിന്റെ തലസ്ഥാനമായ ജലാലാബാദിലെ സര്‍ക്കാര്‍ ആസ്ഥാനത്തിനടുത്ത് സ്‌ഫോടനം നടത്തിയ ശേഷം നാല് അക്രമികള്‍ ഫിനാന്‍സ് ഡയരക്ടറേറ്റ് ആസ്ഥാനത്തേക്ക് കുതിച്ചെത്തുകയായിരുന്നു. തുടര്‍ന്ന് സുരക്ഷാ ഉദ്യോഗസ്ഥരുമായി മണിക്കൂറുകളോളം ഏറ്റുമുട്ടല്‍ നടന്നു.
42 പേര്‍ക്ക് പരുക്കേല്‍ക്കുകയും ചെയ്തിട്ടുണ്ട്. നാലു ഭീകരരെയും വധിച്ചതായി സൈന്യം അറിയിച്ചു. ആക്രമണത്തിന്റെ ഉത്തരവാദിത്തം ഐ.എസ് ഏറ്റെടുത്തിട്ടുണ്ട്.