ജിദ്ദ: ചൈനയും സഊദിയും 6,500 കോടി ഡോളറിന്റെ സംയുക്ത നിക്ഷേപ- സാമ്പത്തിക പദ്ധതികള്‍ക്കുള്ള ധാരണാപത്രങ്ങളില്‍ ഒപ്പുവച്ചു. വ്യവസായ നിക്ഷേപം, പശ്ചാത്തല വികസനം, യാമ്പു ഇന്‍ഡസ്ട്രിയല്‍ സിറ്റിയില്‍ കണ്ടെയ്‌നര്‍ ടെര്‍മിനല്‍ നിര്‍മാണം, സാബിക്‌സിനോപെക് കമ്പനികള്‍ സഹകരിച്ചുള്ള വ്യവസായ പദ്ധതികള്‍, ചൈനയുടെ ചന്ദ്ര പര്യവേക്ഷണ പദ്ധതിയില്‍ സഊദി പങ്കാളിത്തം, ഡ്രോണ്‍ നിര്‍മാണം, ഊര്‍ജ പദ്ധതികള്‍, രണ്ടു രാജ്യങ്ങളിലെയും ബ്രോഡ്കാസ്റ്റിംഗ് കോര്‍പറേഷനുകള്‍ തമ്മിലുള്ള സഹകരണം, വാണിജ്യനിക്ഷേപ സഹകരണം, വിദ്യാഭ്യാസ മേഖലയിലെ സഹകരണം, തൊഴില്‍ മേഖലയിലെ സഹകരണം, ആണവ സുരക്ഷാ മേഖലയിലെ സഹകരണം, സൗദിയില്‍ ആണവ റിയാക്ടറുകള്‍ നിര്‍മിക്കുന്നതിനുള്ള സാധ്യതാ പഠനം, യുറേനിയംതോറിയം മേഖലയിലെ സഹകരണം, എക്‌സ്‌പോര്‍ട്ട് ക്രെഡിറ്റ് ഗ്യാരണ്ടി എന്നീ മേഖലകളിലാണ് സഊദി അറേബ്യയും ചൈനയും കരാറുകളും ധാരണാപത്രങ്ങളും ഒപ്പുവെച്ചത്.

സഊദി ഭരണധികാരി സല്‍മാന്‍ രാജാവിന്റെയും ചൈനീസ് പ്രസിഡന്റ് ഷി ജിന്‍പിംഗിന്റെയും സാന്നിധ്യത്തിലാണ് 6,500 കോടി ഡോളറിന്റെ സംയുക്ത നിക്ഷേപ, സാമ്പത്തിക പദ്ധതികള്‍ക്കുള്ള കരാറുകള്‍ ഒപ്പുവെച്ചത്.