കണ്ണൂര്‍: മേലെചൊവ്വയില്‍ ഓവുചാലിലേക്കു മറിഞ്ഞ പാചകവാതക ടാങ്കര്‍ മാറ്റി. വെള്ളിയാഴ്ച രാത്രി 10.30ഓടെയാണ് മേലെചൊവ്വ ഇറക്കത്തില്‍ നന്തിലത്തിനു സമീപത്തായി ബസിനു സൈഡ് കൊടുക്കുന്നതിനിടെ മംഗളൂരുവില്‍ നിന്നു പാചകവാതകവുമായി തലശ്ശേരി ഭാഗത്തേക്കു പോവുകയായിരുന്ന ടാങ്കര്‍ അപകടത്തില്‍പ്പെട്ടത്. ആക്‌സില്‍ മുറിഞ്ഞ് നിയന്ത്രണംവിട്ട ടാങ്കര്‍ ഓവുചാലിലേക്കു ചെരിഞ്ഞുനില്‍ക്കുകയായിരുന്നു. പൊലിസും അഗ്നിശമനസേനയും പരിശോധിച്ച് പാചകവാതക ചോര്‍ച്ചയില്ലെന്ന് ഉറപ്പുവരുത്തിയശേഷമാണു ജനങ്ങളുടെ ആശങ്ക വിട്ടുമാറിയത്. പുലര്‍ച്ചെ മൂന്നോടെ വളപട്ടണത്തു നിന്നെത്തിയ ഖലാസികള്‍ ക്രെയിനുമായി എത്തി ടാങ്കര്‍ലോറി ഉയര്‍ത്തുകയും മറ്റൊരു ലോറിയുടെ എന്‍ജിനില്‍ ഘടിപ്പിച്ച് ഗ്യാസ് ടാങ്കര്‍ കീഴ്ത്തള്ളി ഭാഗത്തേക്കു മാറ്റുകയുമായിരുന്നു.