നെയ്യാറ്റിന്‍കര: പെരുമ്പഴുതൂര്‍ സര്‍വീസ് സഹകരണ ബാങ്കിന്റെ നേതൃത്വത്തില്‍ നിര്‍മിച്ച മേഴ്‌സി രവി മെമ്മോറിയല്‍ സുവര്‍ണ ഹാളിന്റെ ഉദ്ഘാടനം ഇന്ന് വൈകിട്ട് അഞ്ചിന്  മുന്‍ കേന്ദ്ര മന്ത്രി വയലാര്‍ രവി നിര്‍വഹിക്കും.
 കെ.ആന്‍സലന്‍ എം.എല്‍.എ അധ്യക്ഷനാകും. പെരുമ്പഴുതൂര്‍ സര്‍വീസ് സഹകരണ ബാങ്ക് പ്രസിഡന്റ് എസ്.കെ.ജയചന്ദ്രന്‍ സ്വഗതം   പറയും. വി.എസ്.ശിവകുമാര്‍ എം.എല്‍.എ  ഹാളിന്റെ നാമകരണം നിര്‍വഹിക്കും.
സി.കെ.ഹരീന്ദ്രന്‍ എം.എല്‍.എ ക്ഷേമ പ്രവര്‍ത്തന പദ്ധതികളുടെ ഉദ്ഘാടനം നിര്‍വഹിക്കും. ചടങ്ങില്‍ ജോയിന്റ് രജിസ്ട്രാര്‍ സജ്ജാത് മാതൃകാ കര്‍ഷകരെ ആദരിക്കും.
ജില്ലാ സഹകരണ ബാങ്ക് പ്രസിഡന്റ് ഷംസുദ്ദീന്‍ ജൈവ പച്ചക്കറി കൃഷി വായ്പ വിതരണം ചെയ്യും. നൊറ്റിന്‍കര നഗരസഭാ ചെയര്‍ പേഴ്‌സണ്‍ ഡബ്ല്യു.ആര്‍.ഹീബ , വൈസ് ചെയര്‍മാന്‍ കെ.കെ.ഷിബു , സംസ്ഥാന സഹകരണ കാര്‍ഷിക വികസന ബാങ്ക് പ്രസിഡന്റ് സോളമന്‍ അലക്‌സ് തുടങ്ങിയവര്‍ പ ങ്കെടുക്കും.