മുംബൈ: സ്വന്തം മൈതാനത്ത് രാജസ്ഥാന്‍ റോയല്‍സിനോട് മുംബൈ ഇന്ത്യന്‍സ് പരാജയപ്പെട്ടു. 20 ഓവറില്‍ ആറു വിക്കറ്റ് നഷ്ടത്തില്‍ 168 റണ്‍സെടുത്തു. മറുപടി ബാറ്റിങ്ങിനിറങ്ങിയ രാജസ്ഥാന്‍ മൂന്ന് വിക്കറ്റ് നഷ്ടത്തില്‍ 12 പന്ത് ബാക്കി നില്‍ക്കെ 171 റണ്‍സെടുത്തു. ഏഴു വിക്കറ്റിനണ് രാജസ്ഥാന്റെ ജയം.
മുംബൈക്കായി എവിന്‍ ലെവിസ് മികച്ച പ്രകടനം നടത്തി. 42 പന്തില്‍നിന്ന് നാലു സിക്‌സറും നാലു ഫോറുമടക്കം താരം 60 റണ്‍സ് നേടി. സൂര്യ കുമാര്‍ യാദവ് 31 പന്തില്‍ ഏഴ് ഫോറുകളുടെ അകമ്പടിയോടെ 38 റണ്‍സ് നേടി. രോഹിത് ശര്‍മ പൂജ്യനായി മടങ്ങി. 11 പന്തില്‍നിന്ന് ഇഷാന്‍ കൃഷ്ണ 12 റണ്‍സ് സ്വന്തമാക്കി. ഹര്‍ദിക് പാണ്ഡ്യ 21 പന്തില്‍നിന്ന് 36 റണ്‍സ് നേടി.

ജൊഫ്ര ആര്‍ക്കറും സ്റ്റോക്‌സും റാജസ്ഥാന് വേണ്ടി രണ്ട് വിക്കറ്റുകള്‍ വീതം സ്വന്തമാക്കി. മറുപടി ബാറ്റിങ്ങിനിറങ്ങിയ രാജസ്ഥാന്റെ ഷോട്ട് അഞ്ച് പന്തില്‍ നാലു റണ്‍സ് മാത്രം എടുത്ത് കളംവിട്ടു. പിന്നീടെത്തിയ ബട്ട്‌ലറും രഹാനെയും ചേര്‍ന്നാണ് രാജസ്ഥാന്റെ സ്‌കോര്‍ മികച്ച രീതിയിലെത്തിച്ചത്. ബട്ട്‌ലറുടെയും രഹാനെയുടെയും മികച്ച ബാറ്റിങ്ങിന്റെ പിന്‍ബലത്തിലായിരുന്നു രാജസ്ഥാന്റെ ജയം.