ആലത്തൂര്‍: താലൂക്കിലെ മികച്ച പി.ടി.എയ്ക്കുള്ള  പുരസ്‌കാരം പുതിയങ്കം ഗവണ്‍മെന്റ് യു.പി.സ്‌കൂളിന് ലഭിച്ചു.വര്‍ഷങ്ങളായി മികച്ച രീതിയില്‍ പ്രവര്‍ത്തിക്കുന്ന വിദ്യാലയമാണിത്.വിദ്യാലയത്തില്‍ അടിസ്ഥാന സൗകര്യങ്ങള്‍ ഒരുക്കുന്നതിലും മികച്ച പഠനം ഉറപ്പുവരുത്തുന്നതിനും പി.ടി.എ.കമ്മിറ്റി വളരെ ഉത്തരവാദിത്വത്തോടെയാണ് പ്രവര്‍ത്തിക്കുന്നത്. ആലത്തൂര്‍ ബ്ലോക്ക് പഞ്ചായത്തിന്റെ ബി.ആര്‍.ജി.എഫ് പദ്ധതിയില്‍ ഉള്‍പ്പെടുത്തി 60 ലക്ഷം രൂപ ചിലവഴിച്ചു വിദ്യാലയം നവീകരിച്ചു.
ഇപ്പോള്‍ ആലത്തൂര്‍ എം.എല്‍.എയുടെ ദിശ പദ്ധതിയില്‍ ഉള്‍പ്പെടുത്തി ഏറ്റെടുത്തിരിക്കുന്ന പൊതു വിദ്യാലയവും ഇതാണ്. കെ.സി. കുമാരന്‍ പ്രസിഡന്റും ബി.സി. മോഹനന്‍ സെക്രട്ടറിയുമായ കമ്മിറ്റിയാണ് ഇപ്പോള്‍ പ്രവര്‍ത്തിക്കുന്നത്.
കഴിഞ്ഞ ആറ് വര്‍ഷത്തിനിടെ വിദ്യാര്‍ഥികളുടെ എണ്ണത്തിലും ഇരട്ടി വര്‍ധനയാണ് ഉണ്ടായിട്ടുള്ളത്. നിലവില്‍ 800 ലധികം വിദ്യാര്‍ഥികള്‍ ഇവിടെ പഠിക്കുന്നുണ്ട്.