മതിലകം: പാപ്പിനിവട്ടം എ.എം.യു.പി സ്‌കൂളില്‍ വിദ്യാലയ വികസന സമിതി രൂപീകരണവും പുതിയതായി നിര്‍മിക്കാന്‍ ഉദ്ദേശിക്കുന്ന സ്‌കൂള്‍ കെട്ടിടത്തിന്റെ ഫോട്ടോ അനാച്ഛാദനവും നടത്തി. ഇ.ടി.ടൈസന്‍ മാസ്റ്റര്‍ എം.എല്‍.എ ഉദ്ഘാടനംചെയ്തു. മതിലകം ഗ്രാമപഞ്ചായത്ത് പ്രസിഡന്റ് ഇ.ജി.സുരേന്ദ്രന്‍ അധ്യക്ഷനായി . പഞ്ചായത്ത് വിദ്യാഭ്യാസ സ്റ്റാന്റിങ് കമ്മിറ്റി ചെയര്‍പേഴ്‌സണ്‍ അനി റോയ്, പഞ്ചായത്തംഗം കെ.കെ.അഹമ്മദ് കബീര്‍, പൂര്‍വ വിദ്യാര്‍ഥി സംഘടന പ്രസിഡന്റ് സുബൈര്‍ കാക്കശ്ശേരി, എം.കെ.സൈഫുദ്ദീന്‍, പി.ടി.എ പ്രസിഡന്റ് ജയലക്ഷ്മി ബാബു, പ്രധാന അധ്യാപിക ആര്‍.വാസന്തി, എം.പി.ടി.എ പ്രസിഡന്റ് ഷീന, കെ.സാലി ലൂയിസ്, ടി.കെ.ഷാഹിദ എന്നിവര്‍ സംസാരിച്ചു.