അന്നമനട : കൊടുങ്ങല്ലൂര്‍ തരിശ് രഹിത നിയോജക മണ്ഡലം പദ്ധതിയില്‍ ഉള്‍പ്പെടുത്തി അന്നമനട ഗ്രാമപഞ്ചായത്തിലെ എട്ടു പാടശേഖര സമിതികള്‍ക്കു നല്‍കുന്ന മിനി റൈസ് മില്ലുകളുടെ വിതരണോദ്ഘാടനം അഡ്വ.വി.ആര്‍ സുനില്‍കുമാര്‍ എം.എല്‍.എ നിര്‍വഹിച്ചു.
അന്നമനട കെ കരുണാകരന്‍ സ്മൃതി മണ്ഡപത്തില്‍ നടന്ന പരിപാടിയില്‍ ഗ്രാമപഞ്ചായത്ത് പ്രസിഡന്റ് ടെസ്സി ടൈറ്റസ് അധ്യക്ഷയായി. ബ്ലോക്ക് പഞ്ചായത്ത് പ്രസിഡന്റ് വര്‍ഗ്ഗീസ് കാച്ചപ്പിള്ളി മുഖ്യാതിഥിയായി .
സംസ്ഥാന നെല്‍ക്കതിര്‍ അവാര്‍ഡ് നേടിയ വെസ്റ്റ് കൊരട്ടി പാടശേഖര സമിതിയുടെ നേതൃത്വത്തില്‍ വിപണിയിലെത്തിക്കുന്ന അന്നമനട റൈസിന്റെ ആദ്യ വില്‍പ്പനയും എം.എല്‍.എ നിര്‍വ്വഹിച്ചു .മാള അഗ്രികള്‍ച്ചര്‍ അസിസ്റ്റന്റ് ഡയറക്ടര്‍ എ.എഫ് ഷേര്‍ലി പദ്ധതി വിശദീകരണം നടത്തി .
ഗ്രാമപഞ്ചായത്ത് വൈസ് പ്രസിഡന്റ് കെ.കെ രവി നമ്പൂതിരി ,ജില്ല പഞ്ചായത്ത് മെമ്പര്‍ നിര്‍മ്മല്‍ സി പാത്താടന്‍ ,വാര്‍ഡ് മെമ്പര്‍മാരായ ഷീബ പോള്‍,അനിത ബാബു ,പി.ഒ പൗലോസ് ,ബേബി പൗലോസ് ,ഇന്ദിര ദിവാകരന്‍ ,ടി.കെ ഗോപി ,യു.എ ജോര്‍ജ് ,ശ്രീദേവി വിജു ,വി.എ അബ്ദുല്‍ കരീം ,എം.എച്ച് ഫൈസല്‍ ,കെ.എ സലീം,കൃഷി ഓഫീസര്‍ വി.വി ജോബി , ടി.ഒ ബെന്നി സംസാരിച്ചു.