മേപ്പാടി: എരുമക്കൊല്ലി ഒന്നാം നമ്പറില്‍ കഴിഞ്ഞ ദിവസം ഇറങ്ങിയ ഒറ്റയാന്‍ വന്‍ കൃഷി നാശം വരുത്തി.
വിവിധ കര്‍ഷകരുടെ തെങ്ങ്, കാപ്പി, ഏലം എന്നീ കൃഷികളാണ് ആന നശിപ്പിച്ചത്. സരസമ്മ, കുമാരന്‍ എന്നിവരുടെ കൃഷികളാണ് ആന നശിപ്പിച്ചത്. ഈ പ്രദേശത്ത് അടുത്ത കാലത്തായി ആനയിറങ്ങുന്നത് പതിവാകുകയാണ്. തൊട്ടടുത്ത പ്രദേശമായ പൂളകുന്നിലും ആന ഇറങ്ങി നാശം വരുത്തിയിട്ടുണ്ട്.
കൃഷി നശിപ്പിച്ചതിന് പുറമെ കുടിവെള്ള പദ്ധതികളുടെ പൈപ്പുകളും ആന നശിപ്പിച്ചിട്ടുണ്ട്. ഏഴ് ആനകളടങ്ങുന്ന കാട്ടാന കൂട്ടവും പ്രദേശത്ത് സ്ഥിരമായി എത്തുന്നത്.
എളമ്പലേരി വനത്തില്‍ നിന്നുമാണ് ഈ ഭാഗത്തേക്ക് കാട്ടാനയെത്തുന്നത്. വനാതിര്‍ത്തിയില്‍ ഫെന്‍സിങ് സ്ഥാപിക്കാത്തതാണ് ആന ഇറങ്ങാന്‍ കാരണം.
ആന ഇറങ്ങിയാല്‍ ഫോറസ്റ്റ് ഉദ്യോഗസ്ഥര്‍ ഒരു ഭാഗത്ത് നിന്നും മറ്റൊരു ഭാഗത്തേക്ക് കയറ്റി വിടുകയാണ് ചെയ്യുന്നത്. അധികം വൈകാതെ ആന ജനവാസ കേന്ദ്രത്തില്‍ തന്നെ തിരികെ എത്തുകയുമാണ്.