തൃക്കരിപ്പൂര്‍: സമസ്ത കേരള സുന്നി ബാലവേദി സംസ്ഥാന കമ്മിറ്റി ഉദിനൂര്‍ മമ്പഉല്‍ ഉലൂം മദ്‌റസയില്‍ രണ്ടു ദിവസങ്ങളിലായി സംഘടിപ്പിച്ച ജ്ഞാനതീരം ടാലന്റ് ഷോക്ക് ആതിഥേയത്വം വഹിച്ച ഉദിനൂര്‍ മഹല്ല് കമ്മറ്റിക്ക് അഥിതികളായി എത്തിയവര്‍ നല്‍കിയത് ഫുള്‍മാര്‍ക്ക്.വിവിധ ഭാഗങ്ങളില്‍ നിന്നെത്തിയ നൂറുക്കണക്കിന് മത്സരാര്‍ഥികള്‍ക്കും അവരുടെ രക്ഷിതാക്കള്‍ക്കും അധ്യാപകര്‍ക്കും ഒരുക്കിയ താമസ-ഭക്ഷണ സൗകര്യത്തിനാണ് മഹല്ല് കമ്മിറ്റിക്ക് 'ഫുള്‍ാമര്‍ക്ക്' ലഭിച്ചത്. ഉദിനൂര്‍ മുസ്‌ലിം ജമാഅത്ത് പ്രസിഡന്റ് എ.സി അത്താഉല്ല മാസ്റ്ററുടെ നേതൃത്വത്തില്‍ മഹല്ലിലെ കുഞ്ഞുകുട്ടികള്‍ മുതല്‍ പ്രായമുള്ളവര്‍ വരെ അതിഥികളെ സ്വീകരിക്കുന്നതിലും സൗകര്യങ്ങള്‍ ഏര്‍പ്പെടുത്തുന്നതിലും മുന്നിലായിരുന്നു. സമാപന ദിവസമായ ഇന്നലെ 1960 മുതലുള്ള വിവിധ പലഹാരങ്ങള്‍ തയാറാക്കി പ്രദര്‍ശനം നടത്തിയും കഴിപ്പിച്ചുമാണ് ഉദിനൂര്‍ നിവാസികള്‍ അതിഥികളെ യാത്രയാക്കിയത്.