അങ്കമാലി: ദേശിയ ടെക്‌നോളജിദിനത്തോടനുബന്ധിച്ച് നടത്തിയ സൈബര്‍ ബോധവത്കരണ സെമിനാറില്‍ സ്വകാര്യതയുടെ വിപണന തന്ത്രത്തിനെതിരേ ജാഗ്രത പാലിക്കണമെന്ന് മുഖ്യ പ്രഭാഷണം നടത്തിയ അഡ്വ.പ്രശാന്ത് സുഗതന്‍ അഭിപ്രായപ്പെട്ടു. വിശ്വാസത്തെ കളങ്കപ്പെടുത്താതെ ടെക്‌നോളജിയുടെ നല്ല വശങ്ങള്‍ സാമൂഹിക നന്മയ്ക്ക് പ്രദാനം ചെയ്യണമെന്ന് മോഡറേറ്റര്‍ ബാബു ഇബ്രാഹിം പറഞ്ഞു. മുന്‍ എം.എല്‍.എ പി.ജെ ജോയി സെമിനാര്‍ ഉദ്ഘാടനം ചെയ്തു.
കെ.എ റഹ്മാന്‍ അധ്യക്ഷത വഹിച്ചു, ജോര്‍ജ് സ്റ്റീഫന്‍, സാന്‍ജോ ജോസഫ്, സാജു ചാക്കോ, തങ്കച്ചന്‍ വര്‍ഗ്ഗീസ്, സെബാസ്റ്റ്യന്‍ സി ഒ, ഷൈന്‍ ശങ്കര്‍, ലാല്‍ മാര്‍ട്ടിന്‍, സക്കറിയ, അവറാച്ചന്‍ എന്നിവര്‍ പ്രസംഗിച്ചു.