പൂക്കോട്ടുംപാടം: ആദിവാസിയുടെ വീടിനു മുകളില്‍ കാറ്റില്‍ മരം വീണു. പാട്ടക്കരിമ്പ് ആദിവാസി കോളനിയിലെ ബൊമ്മന്റെ വീടിനു മുകളിലാണ് മരം വീണത്. വെള്ളിയാഴ്ച നാലു മണിയോടെയാണ് സംഭവം. വീടിന്റെ മേല്‍ക്കൂര ഭാഗികമായി തകര്‍ന്നിട്ടുണ്ട്. വീടിനു സമീപത്തെ പൂച്ചക്കടമ്പ് വീടിനു മുകളില്‍ കടപുഴകി വീണത്. ബൊമ്മനും ഭാര്യയും മൂന്നു മക്കളും വീട്ടിലുണ്ടായിരുന്നു. വീട്ടുകാര്‍ക്ക് ഓടു വീണു നേരിയ പരിക്കുകള്‍ പറ്റിയിട്ടുണ്ട്. ചക്കിക്കുഴി വനം വകുപ്പ് ഓഫിസിലെ ഡെപ്യൂട്ടി റെയ്ഞ്ചര്‍ സക്കീര്‍ ഹുസൈന്‍, മുജീബ് റഹ്മാന്‍ ശരത് ബാബു, ടി. വിജീഷ് കുമാര്‍ എന്നിവര്‍ സ്ഥലത്തെത്തി. ബൊമ്മനും കുടുംബത്തിനും മരം മുറിച്ചു നീക്കി താല്‍ക്കാലിക സൗകര്യം ഒരുക്കി നല്‍കിയിട്ടുണ്ട്.