പൂക്കോട്ടുംപാടം: പാട്ടക്കരിമ്പ് ആദിവാസി കോളനിയില്‍ ട്രൈബല്‍ സ്‌പെഷാലിറ്റി മെഡിക്കല്‍ ക്യാംപ് സംഘടിപ്പിച്ചു. ചുങ്കത്തറ ഹെല്‍ത്ത് ബ്ലോക്കിന്റെ കീഴിലാണ് ക്യാംപ് സംഘടിപ്പിച്ചത്. സി.എച്ച്.സിയ്ക്ക് കീഴിലെ മെഡിക്കല്‍ ഓഫിസര്‍മാരായ ഡോ. പ്രവീണ, ഡോ.റിയാസ് ബാബു, ഡോ.ജയകൃഷ്ണന്‍ തുടങ്ങിയവര്‍ രോഗികളെ പരിശോധിച്ചു. 100 ലധികം പേര്‍ ക്യാംപില്‍ പങ്കെടുത്തു. അമരമ്പലം പ്രാഥമികാരോഗ്യ കേന്ദ്രത്തിലെ ഹെല്‍ത്ത് ഇന്‍സ്‌പെക്ടര്‍ പി. രാജീവ്, ജൂനിയര്‍ എച്ച്.ഐ മാരായ അജു പി.നായര്‍, കെ.ജി പ്രേമന്‍, ഫാര്‍മസിസ്റ്റ് ഷെല്ലി, ഗ്രാമപഞ്ചായത്ത് അംഗങ്ങളായ ഗംഗാദേവി ശ്രീരാഗം, മീനാക്ഷി ടീച്ചര്‍ പങ്കെടുത്തു. പൂക്കോട്ടുംപാടം എസ്.ഐ ശിവദാസന്റെ നേതൃത്വത്തിലുള്ള പൊലിസ് സുരക്ഷയിലായിരുന്നു ക്യാംപ്.