കൊണ്ടോട്ടി: റോട്ടറി ക്ലബിെന്റ ആഭിമുഖ്യത്തില്‍ നെടിയിരുപ്പ് മൂച്ചിക്കുണ്ട് ഹരിജന്‍ കോളനിയില്‍ സ്ഥാപിക്കുന്ന സൗജന്യ കുടിവെളള സംഭരണിയുടെ ഉദ്ഘാടനം ഇന്ന് രാവിലെ 10ന് റോട്ടറി ഇന്റര്‍നാഷണല്‍ ഡിസ്ട്രിക്ട് ഗവര്‍ണര്‍ ഡോ. ജയപ്രകാശ് ഉപധ്യായ നിര്‍വഹിക്കും. ചടങ്ങില്‍ ജില്ലയിലെ ഏറ്റവും മികച്ച ജൈവ കര്‍ഷകനുളള പുരസ്‌കാരം പി.എ അബൂബക്കര്‍ കുട്ടിക്ക് സമര്‍പ്പിക്കും. അരലക്ഷം രൂപയും ശില്‍പ്പവും അടങ്ങിയതാണ് ഉപഹാരം. മിനി ഊട്ടിയില്‍ റോട്ടറി ഭവന്റെ നിര്‍മാണ ഉദ്ഘാടനവും നടക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. പി.വി ബഷീര്‍, ഡോ. പി.കെ നൗഷാദ്, പി. അബ്ദുറഹ്മാന്‍, ജയപ്രകാശ് കമ്പളത്ത്, അഷ്‌റഫ് കാപ്പാടന്‍, പുലാശ്ശേരി മുസ്തഫ, ഹംസ തുടങ്ങിയവര്‍ സംബന്ധിച്ചു.