കൊളത്തൂര്‍: വാദ്യപ്രജാപതി പത്മശ്രീ മട്ടന്നൂര്‍ ശങ്കരന്‍കുട്ടി മാരാര്‍ക്ക് കൊളത്തൂരിന്റെ സ്‌നേഹാദരം. കുറുപ്പത്താല്‍ കെ.എസ് കോംപ്ലക്‌സില്‍ കൊളത്തൂര്‍ വാദ്യസൗഹൃദം ഒരുക്കിയ വാദ്യത്തോടെയായിരുന്നു ജനകീയ വരവേല്‍പ്പ്.
സമാദരണ ചടങ്ങില്‍ സി. ബാലകൃഷ്ണന്‍ പൊന്നാട അണിയിച്ചു. പ്രഫ. കലാമണ്ഡലം ഉണ്ണികൃഷ്ണന്‍, കലാമണ്ഡലം സുധ, കോട്ടക്കല്‍ രവി, വെളുത്താട്ട് കൃഷ്ണന്‍ നമ്പൂതിരി, സുനില്‍ വാര്യര്‍, കൊളത്തൂര്‍ മണികണ്ഠന്‍, സുധീര്‍ പള്ളത്ത്, ശ്രീനാരായണന്‍,  ജയകൃഷ്ണന്‍ കൊളത്തൂര്‍, കെ.വി ശോഭ, ശ്രീകല, ഒ.സി ഹരിദാസന്‍ തുടങ്ങിയവര്‍ നേതൃത്വം നല്‍കി. തുടര്‍ന്ന് വയമ്പറ്റ വിഷ്ണു ക്ഷേത്ര പരിസരത്ത് മട്ടന്നൂര്‍ ശങ്കരന്‍കുട്ടി മാരാര്‍, മട്ടന്നൂര്‍ ശ്രീകാന്ത്, മട്ടന്നൂര്‍ ശ്രീരാജ് എന്നിവര്‍ ഒരുക്കിയ തൃത്തായമ്പക  ആസ്വാദകര്‍ക്ക് വേറിട്ട അനുഭവമായി.