ഹരിപ്പാട്: ആറ് വയസുകാരിയെ പീഡിപ്പിച്ച യുവാവ് അറസ്റ്റില്‍. ആറാട്ടുപുഴ തറയില്‍കടവ് തണ്ടാശേരില്‍ സുബിന്‍ (20)നെ യാണ് തൃക്കുന്നപ്പുഴ പൊലിസ് അറസ്റ്റ് ചെയ്തത്. ശനിയാഴ്ച വൈകിട്ട് 6.30 ഓടെയായിരുന്നു സംഭവം.
വീടിനടുത്തുള്ള കടയിലേക്ക് പോയ ആറു വയസുകാരിയെ യുവാവ് വീട്ടിലേക്ക് കൂട്ടികൊണ്ടുപോയി പീഡിപ്പിക്കുകയായിരുന്നുവെന്ന് പൊലിസ് പറഞ്ഞു. ജനനേന്ദ്രിയത്തില്‍ മുറിവ് പറ്റിയ യുവാവ് പീഡനത്തിന് ശേഷം കായംകുളം താലൂക്ക് ആശുപത്രിയിലും തുടര്‍ന്ന് ഹരിപ്പാട് താലൂക്ക് ആശുപത്രിയിലും ചികിത്സ തേടി.
ഇതേ സമയം സംഭവമറിഞ്ഞ കുട്ടിയുടെ മാതാവും ബന്ധുക്കളും തൃക്കുന്നപ്പുഴ പൊലീസില്‍ വിവരം അറിയിച്ചു.
അന്വേഷിച്ചിറങ്ങിയ തൃക്കുന്നപ്പുഴ പൊലിസ് യുവാവിനെ ഹരിപ്പാട് ആശുപത്രിയില്‍ നിന്നും തിരികെ വരും വഴി തോട്ടപ്പള്ളിയ്ക്ക് സമീപത്തുനിന്നുമാണ് അറസ്റ്റ് ചെയ്തത്.
പോക്‌സോ നിയമപ്രകാരം അറസ്റ്റ് ചെയ്ത യുവാവിനെ കോടതിയില്‍ ഹാജരാക്കി റിമാന്റ് ചെയ്തു.