മലപ്പുറം: വരാന്‍ പോകുന്ന മലപ്പുറം പാര്‍ലിമെന്റ് ഉപതെരഞ്ഞെടുപ്പില്‍ തൊഴിലാളി വര്‍ഗം ഒറ്റക്കെട്ടായി എല്‍.ഡി.എഫിനു വേണ്ടി പ്രവര്‍ത്തിക്കണമെന്നും തൊഴിലാളികളുടെയും സാധാരണക്കാരുടെയും താല്‍പ്പര്യങ്ങള്‍ സംരക്ഷിക്കുന്നത് എല്‍.ഡി.എഫ് സര്‍ക്കാറാണെന്നും  മുന്‍ മന്ത്രി ബിനോയ് വിശ്വം പറഞ്ഞു.  എ.ഐ.ടി.യു.സി ജില്ലാ കമ്മിറ്റി ഓഫിസ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. പി. സുബ്രഹ്മണ്യന്‍ അധ്യക്ഷനായി. സി.പി.ഐ ജില്ലാ സെക്രട്ടറി പി.പി സുനീര്‍, എ.ഐ.ടി.യു.സി ജില്ലാ സെക്രട്ടറി അഡ്വ. കെ. മോഹന്‍ദാസ്, പി. കുഞ്ഞിമൂസ, ടി.കെ സുന്ദരന്‍ മാസ്റ്റര്‍, സി.ടി അബ്ദുള്ളക്കുട്ടി, പി.കെ.എം ബഷീര്‍, എം.എ റസാഖ്, സി.ആര്‍ ഗോപാലന്‍ എന്നിവര്‍ പ്രസംഗിച്ചു.