മലപ്പുറം: തലശ്ശേരിയിലെ ദളിത് സഹോദരിമാരുടെ പേരില്‍  കള്ളക്കേസുകള്‍ ചുമത്തുകയും കൈകുഞ്ഞുമായി അവരെ ജയിലിലടക്കുകയും  ചെയ്ത ഇടതുസര്‍ക്കാറിന്റെ പൊലിസ് നയത്തിനെതിരെയും ദളിത് വിരുദ്ധ  രാഷ്ട്രീയത്തിനെതിരെയും ബഹുജന മനസാക്ഷി ഉണര്‍ത്താന്‍ നാളെ രാവിലെ  പത്തിനു മലപ്പുറം ടൗണില്‍ പ്രതിഷേധ കൂട്ടായ്മ സംഘടിപ്പിക്കുമെന്ന്  ഡി.സി.സി പ്രസിഡന്റ് ഇ.മുഹമ്മദ്കുഞ്ഞി അറിയിച്ചു. കൂട്ടായ്മയില്‍  പങ്കെടുക്കാന്‍ കോണ്‍ഗ്രസ് യൂത്ത്‌കോണ്‍ഗ്രസ് പ്രവര്‍ത്തകര്‍ രാവിലെ പത്തിന്  മുമ്പായി ഡിസിസി ഓഫിസില്‍ എത്തണമെന്നും അറിയിച്ചു.