കൊപ്പം : എസ്.വൈ.എസ് വിളയൂര്‍ പഞ്ചായത്ത് കമ്മിറ്റി സംഘടിപ്പിക്കുന്ന പ്രമുഖ പ്രഭാഷകന്‍ അബ്ദുസ്സമദ് പൂക്കോട്ടൂരിന്റെ റമദാന്‍ പ്രഭാഷണം  ഇന്ന് കാലത്ത് ഒന്‍പത് മണിക്ക് എടപ്പലം അനുഗ്രഹ ഓഡിറ്റോറിയത്തില്‍ നടക്കും.
പുണ്യമാസം വിട പറയുമ്പോള്‍ എന്നതാണ് പ്രഭാഷണ വിഷയം. എസ് വൈ എസ് ജില്ലാ സെക്രട്ടറി ടി.കെ മുഹമ്മദ് കുട്ടി ഫൈസി, വിവിധ മഹല്ല് ഖത്തീബുമാരായ സൈഫുദ്ധീന്‍ അഹ്‌സനി (മൂര്‍ക്കനാട്), കെ. ടി മുഹമ്മദലി ബാഖവി (പുവ്വത്തിന്‍ ചുവട്), അബ്ദുല്‍ ഹക്കീം അന്‍വരി (എടപ്പലം), അബ്ദുല്‍ ഹക്കീം ഫൈസി (പാലൊളിക്കുളമ്പ്), നൗഷാദ് അന്‍വരി (ഉരുണിയന്‍പുലാവ്), നാസര്‍ ഫൈസി (കുപ്പൂത്ത്), സമസ്തയുടെയും കീഴ്ഘടകങ്ങളുടെയും ഭാരവാഹികളായ എം. എം ബഷീര്‍ മാസ്റ്റര്‍മേല്‍മുറി, ഉസ്മാന്‍ ഫൈസി, വി ടി ഉമര്‍ ഫൈസി, പി. പി ഹംസ ദാരിമി, പി. മാഹിന്‍ മുസ്‌ലിയാര്‍, കെ. ടി കുഞ്ഞി മുഹമ്മദ് മൗലവി, ഇ. കെ മുഹമ്മദ് മാസ്റ്റര്‍ തുടങ്ങിയവര്‍ സംബന്ധിക്കും.