കല്‍പ്പറ്റ: ശംസുല്‍ ഉലമാ ഇസ്‌ലാമിക് അക്കാദമിയുടെ ദൈനംദിന നടത്തിപ്പിനും നിര്‍മാണ പ്രവര്‍ത്തനങ്ങള്‍ക്കുമായി റമദാനില്‍ നടക്കുന്ന കാംപയിന്‍ വിജയിപ്പിക്കുന്നതിന് മുഴുവന്‍ പ്രസ്ഥാന ബന്ധുക്കളും ഉസ്താദുമാരും മാനേജ്‌മെന്റ് ഭാരവാഹികളും കര്‍മ രംഗത്തിറങ്ങണമെന്ന് എസ്.കെ.എസ്.എസ്.എഫ് ജില്ലാ കമ്മിറ്റി ആവശ്യപ്പെട്ടു.
കല്‍പ്പറ്റ സമസ്ത ഓഡിറ്റോറിയത്തില്‍ നടന്ന സെക്രട്ടറി മീറ്റില്‍ ജില്ലാ പ്രസിഡന്റ് മുഹ്‌യുദ്ദീന്‍ കുട്ടി യമാനി അധ്യക്ഷനായി. സംസ്ഥാന ഉപധ്യക്ഷന്‍ ശൗക്കത്തലി വെള്ളമുണ്ട ഉദ്ഘാടനം ചെയ്തു. എസ്.വൈ.എസ് ജില്ലാ സെക്രട്ടറി മുഹമ്മദ് കുട്ടി ഹസനി മുഖ്യപ്രഭാഷണം നടത്തി. ഖാസിം ദാരിമി, അലി യമാനി, ഷറഫുദ്ധീന്‍ നിസാമി, നദീര്‍ കംബ്ലക്കാട്, മുത്തലിബ് മൗലവി, ഷിഹാബ് റിപ്പണ്‍, ഷാഹിദ് ഫൈസി, റഷീദ് വെങ്ങപ്പള്ളി, മുസ്തഫ സംസാരിച്ചു. അയ്യൂബ് മുട്ടില്‍ സ്വാഗതവും മുഹ്യുദ്ധീന്‍ കുട്ടി ദാരിമി നന്ദിയും പറഞ്ഞു.