മാണിയൂര്‍: ഖുര്‍ആന്‍ മനഃപാഠമാക്കി നാടിന് അഭിമാനമായി മാറിയിരിക്കുകയാണു വേശാലയിലെ ഉറ്റ സുഹൃത്തുക്കളായ രണ്ടു വിദ്യാര്‍ഥികള്‍.

ചെറാട്ടമൂലയിലെ പി.കെ മുഹമ്മദ് ശിബ്‌ലിയും മീനങ്കട ഹൗസില്‍ സി.കെ മുഹമ്മദ് മുഹ്‌സിനുമാണു ഖുര്‍ആന്‍ പൂര്‍ണമായും മനഃപാഠമാക്കിയത്. മൂന്നുവര്‍ഷം മുന്‍പാണ് ഖുര്‍ആന്‍ മനഃപാഠമാക്കുന്നതിന് ഇവര്‍ മട്ടന്നൂര്‍ പാലോട്ടുപള്ളി വി.എം.എം തഹ്ഫീളുല്‍ ഖുര്‍ആന്‍ കോളജില്‍ ചേര്‍ന്നത്.

അയൂബ് ദാരിമിയുടെ ശിക്ഷണത്തില്‍ ചിട്ടയായ പഠനത്തിലൂടെ മൂന്നുവര്‍ഷം കൊണ്ട് ഖുര്‍ആന്‍ മനഃപാഠമാക്കുകയും ചെയ്തു. സി.കെ അബ്ദുറഹ്മാന്‍-സുമയ്യ ദമ്പതികളുടെ മകനാണു ശിബ്‌ലി. അബ്ദുല്‍ മജീദിന്റെയും ഫൗസിയയുടെയും മകനാണ് മുഹ്‌സിന്‍. ഇരുവരും ഇപ്പോള്‍ ഒന്‍പതാം ക്ലാസിലാണു പഠിക്കുന്നത്. തുടര്‍ മത-ഭൗതിക പഠനത്തിനായി നന്തി ദാറുസലാം അറബിക് കോളജിലേക്കു പോകാനുള്ള തയാറെടുപ്പിലാണ് ഇവര്‍.