കണ്ണൂര്‍: എസ്.ടി.യു ജില്ലാ ജനറല്‍ സെക്രട്ടറിയായിരിക്കെ മരണപ്പെട്ട മുസമ്മില്‍ കോറോത്ത് മികച്ച സംഘാടകനു പുറമേ മാപ്പിളപ്പാട്ട് ഗായകനുമായിരുന്നു. വളപട്ടണം സി.എച്ച് പ്ലൈവുഡ് കമ്പനിയില്‍ ജോലി ചെയ്യുന്ന കാലത്താണ് മുസ്‌ലിം ലീഗിന്റെ തൊഴിലാളി സംഘടനയായ എസ്.ടി.യുവില്‍ ചേര്‍ന്നു പ്രവര്‍ത്തിക്കുന്നത്. തുടക്കത്തില്‍ പുതിയതെരു ലീഗ് പ്രാദേശിക നേതൃത്വത്തിലൂടെയാണ് രാഷ്ട്രീയത്തില്‍ പ്രവേശിച്ചത്. മാപ്പിളപ്പാട്ടിനോടുള്ള താല്‍പര്യം സാമൂഹ്യ സാംസ്‌കാരിക രംഗത്തെ നിറസാന്നിധ്യക്കി. എസ്.എസ്.എല്‍.സി പഠനകാലം പൂര്‍ത്തിയാക്കിയതിനു ശേഷവും മാപ്പിളപ്പാട്ട് രംഗത്ത് സജീവമായി. 80കളില്‍ തൊഴിലാളി സംഘടനയുടെ പ്രവര്‍ത്തനവുമായി മുന്നോട്ടുപോകുമ്പോഴും ചെറിയ വേദികളില്‍ ഗാനങ്ങള്‍ ആലപിക്കാറുണ്ടായിരുന്നു. നിര്‍മാണത്തൊഴിലാളി ഫെഡറേഷന്‍ സംസ്ഥാന ജോയിന്റ് സെക്രട്ടറി, ജില്ലാ ജനറല്‍ സെക്രട്ടറി, മുസ്‌ലിം ലീഗ് പുതിയതെരു ശാഖാ പ്രസിഡന്റുമായിരുന്നു മുസമ്മില്‍ കോറോം.