ഏറ്റുമാനൂര്‍: ഐ.എസ്.സി പരീക്ഷയില്‍ മാന്നാനം കെ.ഇ. സ്‌കൂളിലെ എസ്. ആദിത്യ കൃഷ്ണയ്ക്ക് ദേശീയതലത്തില്‍ രണ്ടാം റാങ്ക്.
99.25 ശതമാനം മാര്‍ക്ക് വാങ്ങിയാണ് ആദിത്യ കൃഷ്ണ രണ്ടാം റാങ്കിനര്‍ഹനായത്. ഇംഗ്ലീഷ് ഒളിമ്പ്യാഡിന് അന്താരാഷ്ട്ര തലത്തില്‍ മൂന്നാം റാങ്ക് നേടിയിരുന്നു. ഇതിന്റെ പുരസ്‌കാരം ജൂണ്‍ 3ന് ഡല്‍ഹിയില്‍ നടക്കുന്ന ചടങ്ങില്‍ ഏറ്റുവാങ്ങും. തിരുവനന്തപുരം പേരൂര്‍ക്കട സ്വദേശികളാണ് ആദിത്യയുടെ മാതാപിതാക്കള്‍.
പിതാവ് സുരേഷ്ബാബു ഫെഡറല്‍ ബാങ്ക് വിഴിഞ്ഞം ശാഖയില്‍ മാനേജരും മാതാവ് കുറവിലങ്ങാട് എസ്.ബി.ഐയില്‍ മാനേജരുമാണ്. ഇപ്പോള്‍ ഇവര്‍ കുടുംബസമേതം തെള്ളകത്ത് ആണ് താമസം.