മാനന്തവാടി: അന്താരാഷ്ട്ര വനിതാ ദിനാചരണത്തിന്റെ ഭാഗമായി വയനാട് ഗവ. എന്‍ജിനീയറിങ് കോളജ് എന്‍.എസ്.എസ് യൂനിറ്റിന്റെ ആഭിമുഖ്യത്തില്‍ ഷി റോസ് എന്ന പേരില്‍ രക്തദാന ക്യാംപ് സംഘടിപ്പിച്ചു. വളണ്ടിയര്‍ സെക്രട്ടറി ഹന്ന വര്‍ഗീസ് പരിപാടി ഉദ്ഘാടനം ചെയ്തു. മാനന്തവാടി ജില്ലാ ആശുപത്രി രക്ത ബാങ്കിലേക്കാണ് രക്തം നല്‍കിയത്.
പെണ്‍മ എന്ന പരിപാടിയുടെ ഭാഗമായി എന്‍.എസ്.എസ് കോളജിലെ ടെക്‌നികല്‍ സെല്ലുമായി ചേര്‍ന്ന് തുല്യ നീതി നല്ല നാട് എന്ന മുദ്രാവാക്യം ഉയര്‍ത്തിപ്പിടിച്ച് പോസ്റ്റര്‍ പ്രദര്‍ശനം, ക്ലാസ് മത്സരം എന്നിവയും സംഘടിപ്പിച്ചു. എന്‍.എസ്.എസ് പ്രോഗ്രാം ഓഫിസറായ ആബിദ് തറവട്ടത്ത്, ഹന്ന വര്‍ഗീസ്, എം ആമിന ജാസ്മിന്‍, ബി.എസ് സംഗീത നേതൃത്വം നല്‍കി.