കല്‍പ്പറ്റ: വയനാട് ജില്ലാ പൊലിസ് നിര്‍മിക്കുന്ന 'ശുഭ യാത്ര സുരക്ഷിത യാത്ര' എന്ന ഹ്രസ്വചിത്രത്തിന്റെ ചിത്രീകരണം തുടങ്ങി. ജില്ലാ പൊലിസ് മേധാവി രാജ്പാല്‍ മീണ സ്വിച്ച് ഓണ്‍ നിര്‍വഹിച്ചു.  ജില്ലയിലെ സ്‌കൂളുകളിലും കോളജുകളിലും വിദ്യാര്‍ഥികള്‍ക്ക് ട്രാഫിക്ക് ബോധവല്‍ക്കരണം നല്‍കുന്നതിനാണ് ചിത്രം തയാറാക്കുന്നത്.
സ്‌പെഷല്‍ ബ്രാഞ്ച് ഡി.വൈ.എസ്പിയും ജില്ലാ ട്രാഫിക്ക് നോഡല്‍ ഓഫിസറുമായ കെ.സി ഹരിഹരന്‍ അധ്യക്ഷനായി. അഡിമിനിസ്‌ട്രേഷന്‍ ഡി.വൈ.എസ്.പി.  സജീവന്‍, സി.ഐ പി.ടി ജേക്കബ്ബ്, കല്ലങ്കോടന്‍ അബ്ദുല്ല, ജില്ലാ എന്‍.എസ്.എസ്. കോര്‍ഡിനേറ്റര്‍ പി കബീര്‍, ഫോട്ടോ ഗ്രാഫര്‍ കെ.പി ഹരിദാസ് എന്നിവര്‍ സംസാരിച്ചു. ഷാഫി മേപ്പാടി ആണ് ചിത്രം സംവിധാനം ചെയ്യുന്നത്.